يا حايل الامجاد

الالحاد , داخل

يا حايل الامجاد

يا حايل الامجاد دار البدايد
الطيبين اهل الوفا والجمايل

بني تميم وشمّر اهل العوايد
وبني رشيد وحرب واولاد وايل

اهل المفاخر والكرم بالشدايد
اهل الصخا واهل النقا والفعايل

من له بـ (قحطان) اليماني عدايد
ومن كان من (عدنان) جدّ القبايل

حازوا على الطولات والطيب كايد
ولا كل رجّالٍ يحوش النفايل

قاموا بواجبهم رفاع السنايد
يوم الأمير الفيصلي طب حايل

ابدي سلامي وابا اهنيّ واعايد
واذكر صناديد الجبل والفصايل

ابيات شعرٍ من ضميري فرايد
من هاجسي نبدع جديد المثايل

للي قريب ومن هو اليوم نايد
سلام مني يا عيال الحمايل

حايل زهتها زاهيات القصايد
اجبالها وسهالها والمسايل

قصايدٍ ما هي حبال المكايد
للي يعرف دقاقها والجلايل

طرايف العربان خير الفوايد
ولا ينبني علمٍ بليا دلايل

اقولها واعلن بها بالجرايد
هرج الصراحة والسنع والصمايل

مثل الذهب نظم البيوت الخرايد
نذكر صحيح العلم والكذب زايل

لاهل العقول اللي وساع البنايد
ومن كان للامثال والشعر قايل

ما هي علومٍ ندفعه بالرفايد
وقفة قدم ومكمَّلاتٍ اصايل

وحايل سقاها من اول الوسم عايد
من ممطرات الوبل وبل المخايل

غر المزون المهملات الرجايد
مزن السحاب المرزمات الثقايل

والحمد لله خير والامن سايد
وارض الوطن ما نبتغي له بدايل

واميرنا للمجد والعز قايد
سعود السعد (2)يسعى على كل طايل

وصلاة ربي دون نقصٍ وزايد
على نسل (عدنان) راع الفضايل

قصيدة للدكتور عبد الرحمن الفريح
صح لسانك


_

المصدر: منتديات تراتيل شاعر - من قسم: ديوآن آلقصيد ▪●

---

dh phdg hghl[h] hghgph] ]hog