02-04-2022, 07:06 AM
|
|
|
|
|
|
فرقاك بشرى
لاتنشغل فيني انا بحالي ادرى
وقلبن تعلق فيك ينسى مع الوقت
اكثر من اللي صار لي ويش يجرى
بين الرجا والياس فكري تعلقت
مثلي ولو شفته عن همومه ازرى
ماقال ليتك في جروحه ترفقت
هاك القصايد لاتضايقت واقرى
شف وش كثر فيها لبسماتك اشتقت
اثر الوفا ينباع عندي ويشرى .
ماكنت اصدق فيك اليوم وصدقت
يامشتهي فرقا المواليف حذرى
تبعد وانا من سكرة الحب مافقت
لاطافت الفرصه تحريت الاخرى
وتروح وماكني عليها تشوقت
ساري لو ان الليل مافيه قمرى
اشيل من حمل الهوى فوق ماطقت
بلا صار حظي اقشر ولايام قشرى
مافيه احد يلومك ليا تضايقت
صحيح بعض الناس فرقاه بشرى
وبعض البشر لاغاب ليله تضايقت
ليتك خذيت بليل لاحباب مسرى
غربت من كثر الطواري وشرقت
والسيل يبقاله مع القاع مجرى
ويبقالك التذكار ولو كنت فارقت
اشوفلك من وين مارحت ذكرى
لاشفتها صديت عنها ودنقت
ماكل جرح لاخذ ايام يبرى
بعض الجروح يزيد شره مع الوقت
tvrh; favn favp tvrh;
|
|
7 أعضاء قالوا شكراً لـ راااااااشد على المشاركة المفيدة:
|
|
تعليمات المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
كود HTML معطلة
|
|
|
الساعة الآن 02:01 AM
|
عضويتي 
العرض الشجري