حبيبي لطول الصبر

أطول , الصبر , حبيبي

حبيبي لطول الصبر

حبيبي لـ طول الصد محتاج وسعة بال
و انا ضاق بالي لين ما ضاقت انفاسي !

*انا من غيابك و الليال القصار / طْوال
و انا من عرفتك ما هقيت الزمن قاسي

ما غير آتحرّى .. و آتوارى عن العذال ،
و لا غير الهموم ، آعزّ ربعي و جلاسي !

يقولون كيف الحال و آقول بأحزن حال
اسامر طيوفه .. لين يغلبني / نْعاسي !

و انام وْلا غيره بين الاحلام صال و جال
معه حلم و ألا علم يا ما اكرم احساسي

تسلّيني الذكرى ، لو الدمع منها / سال
و لو قلت ابتناساه .. ماني بـ متناسي

نسى الله من ينساك لو في يدي واحتال
أقرّبك .. لكن ما ابعدك يا بعد ناسي

ما غير الله اللي .. يقدر يغيّر الاحوال
يجيبك و تعمر بسمتي و تْهدم ياسي

تجافى عيال الرجل من شان راس المال
و انا راس مالي شوفتك .. يا بعد راسي

متى تحتويني من يد الهم و الغربال ؟
تعجّل قبل لا الفظ عليك آخر انفاسي


مما راق لي

المصدر: منتديات تراتيل شاعر - من قسم: ديوآن آلقصيد ▪●

---

pfdfd g',g hgwfv H',g hgwfv pfdfd