المطر حنّت رعوده وإلتعج برّاقه

المطر , برّاقه , حوطة , رعوده , وإلتعج

المطر حنّت رعوده وإلتعج برّاقه

المطر حنّت رعوده وإلتعج برّاقه

صدّق وهذا أوله فوق الثرى دفاقي

جاء سحابه حادرٍ ممْلي تدلاّ أعناقه

وانتثر هملوله وساق وسقى وإنساقي

مرحبا به عدْ عينٍ للحيا مشتاقة

مرحبا يا إمفرّج الضيقه على من ضاقي

يا هماليله تساقي وأرفقي بإدفاقه

أسقي الارض المحيله والثرا مشتاقي

قالوا ان الوسم قفّا والوسوم إشفاقه

قلت ربي يا عرب هو كافل الأرزاقي

الكريم اللي يجود ولا بخل بأرزاقه

بأمره إتْلم المزون ويلعج البرّاقي

هذي امزونه تهامل والحيا بإشراقه

كل وادي سال حتى القاع صارت ساقي

وامتلت كل الخباري من زلال أوداقه

لين عقب اسبوع بيّن باذره وادقاقي

ابشروا يا أهل المواشي لا إكتسا بإرناقه

ليتني ما بعت في هاك السنين إنياقي

جتْ مناة اللي شفوفه من شفوف إنياقه


بدويٍ للفياض المخْضرة عشّاقي

الرائع/ حسين العتيبي

من اروع ما قرأت

المصدر: منتديات تراتيل شاعر - من قسم: ديوآن آلقصيد ▪●

---

hgl'v pk~j vu,]i ,Ygju[ fv~hri fv~hri p,'m vu,]i