فمان الآه مـن كثــر الزعل والشـــوق والتطنيش

مـن , الله , الزعل , فمان , والتطنيش , والشـــوق , كثــر

فمان الآه مـن كثــر الزعل والشـــوق والتطنيش

:
:
فمان الجـرح لا والله فمان أحزاني الكُـبـرى
فمان أغلى ثلاث سنيـن مِـتّ بْـها عشــان أعيش

فمان الحب واحـلام القلوب البيض والخضرا
فمان الآه مـن كثــر الزعل والشـــوق والتطنيش

فمان عيونك اللي مالها بين العيون .. اُخرى
فمان غــرورك اللي علّـم الطاووس نفـْـش الريش

فمان عطورك اللي تسكن أنفاسي وبالأحـرى
فمان أنفاسك اللي تسكـن عطـوري ومدري ايش؟

فمان الليل واحضان الدفــا ومصافح القمـرا
فمان البــاب والشبّـاك يــوم أواعدك .. ونطيش

فمان التوت والرمــان وأحلى فاكهــه حمـرا
فمان الضحكة اللي كنّـها مـن مبسمك .. بخشيش

فمان غيابك اللي ما ترك لمْواصلك .. بُشرى
فمان الشـك وظنــون الخطــأ والكـذب والتشويش

فمان العيد .. كنـّي به يجيني وحالتي تزرى
يطبْطبْ فوق أكتـافي حزن ويقــولَ لِي "معْـليش"

فمان الجوع وإحساس العطش ومفارقك صحرا
تعبــت أفتش ْلواحاتـــها .. وأضناني التفتيش

فمان ضلوع مكتـوب ٍعلى أنحاءها اليُسرى

"هُــنا توجـد جـروحي" لو تكــرّمتي: بـلا تنبيش

فمان دموع لا تـُسمن ولا تُغني من الذكـرى
وأنا اللي ماقدرت اطلع من أجوائي معك بشويش

فمان الشـارع اللي كلّما جيـته .. وأنا أقــرا
معانـاتي من أول يــوم فـي وصـلك إلى التهميش

فمان الشاعر اللي يجمع بتجربْـته الصغرى
فكر بــدْر .. ورومانسيّة نزار .. وفلسفة درويش

فمان العاشق المجني عليه .. بتسلية عذرا
من أول "بعشقـك" حتى نهايـة "ما تصبّرنيش"

فمان الخوف ويدينك جنود وأضلعي أسرى
وأنا فينـي مــن الإحبــاط ما يكفي هزيمــة جيش

فمان أشياء ما تنقــال للعالم .. ولا تــطرى

ممـالك حـب .. دمّـرها اللعب وسْياسـة التطفيش

فمان الإيش؟ ما أدري ولكنّ الزمان أدرى
وأنا اللي ضاع ما يدري حبيبه ضيّـعه لجل ايش؟

فمان الله ياقلبـي مع انّــك جــرح ما يبــرا
كتب ربّي عليّ أعيش من دونك (وأنا ما أعيش)

:

:

المصدر: منتديات تراتيل شاعر - من قسم: ديوآن آلقصيد ▪●

---

tlhk hgNi lJk ;eJJv hg.ug ,hgaJJJ,r ,hgj'kda hggi hg.ug tlhk ,hgj'kda ,hgaJJJ,r