يابحر فيني من الحزن كثر مافيك

مافيك , الحزن , يابحر , فيني

يابحر فيني من الحزن كثر مافيك

مساء الغلا


يابحر فيني من الحزنكثر ما فيك
من حزن وأوجاع وغياب وغرايب
لا تلومني إليا شفتني دايم أجيك
ولا شفتني دايم على الشط ذايب
حزني كبير أكبر من حدد و شاطيك
وأقسى من جرووح الزمان العطايب
وإن كان تنشدني فأنا مقدر أخفيك
دايم اظن ويطلع الظن خايب
في هالزمن أقرب حبايبك يشقيك
إلين تدفع في غلاه الضرايب
من بعد هذا يبتعد عنك ويجفيك
ماكنه بجنبك قضى الوقت طايب
وإلا الخوي إللي توقعت يفديك
يفديك عمره لا غدت بك نشايب
صد وتصدد مايبي سمع طاريك
وياما إنت دوونه أتعبك الطلايب
لا تقولي بدري وتوك ويمديك
تعال واسمع باقي الهرج صايب
خلك بحالك وأطلب الرب يهديك
ولا تنشد اللي غاب وين انت غايب
وإن شفتني غايب عن حدود شاطيك
أعرف تراني تحت ذيك النصايب
وأعرف تراني دايم إن ضقت بآجيك
لأني أنا والموج صرنا حبايب

المصدر: منتديات تراتيل شاعر - من قسم: ديوآن آلقصيد ▪●

---

dhfpv tdkd lk hgp.k ;ev lhtd; hgp.k dhfpv