البارحة ما هملج الطرف بنعاس

الباردة , الطرف , بنعاس , إللي

البارحة ما هملج الطرف بنعاس

البارحة ما هملج الطرف بنعاس = ما فاض من نجم عيوني تخيله
لا باس يا عيني على السهر لاباس = على وليف فات ما القى مثيله
عنا قطع شوف المواصل له ارماس = ولا في يدي من نابي الارداف حيله
فيما مضى ياخذ جوابي من الراس = واليوم لا عاني وانا ما اعني له
العشرة اللي ما توثق على ساس = تطيح لو صارت حصون طويلة
يا ونتي منها المعاليق يباس = صبري قضى ما باقي الا قليله
صبرت صبر صابني منه وسواس = صبر له النفس العزيزة ذليلة
على وليف حال من دونه الياس = والياس طب للقلوب العليلة
من يتبع المقفي مرده با لافلاس = مثل الذي بالقيظ يدفق صميله
هذي دروب الحب جده ودراس = الله يمضيها بستر وجميلة
موفق للخير يا ظبي الاطعاس = لا تحسب الدنيا باهلها طويلة
الصاحب الغالي تحطه على الراس = واللي يودك لا تدور بديله
صلاة ربي عد ماهب نسناس = على نبي وضح الله دليله

المصدر: منتديات تراتيل شاعر - من قسم: ديوآن آلقصيد ▪●

---

hgfhvpm lh ilg[ hg'vt fkuhs hgfhv]m hg'vt fkuhs Yggd