يا صاحبي خذني معك سيف وحزام

خذني , صاحبي , وجزاء

يا صاحبي خذني معك سيف وحزام

نطوي مع الأيام عامٍ ورى عام
وتمر ساعات الفرح في دقايق

أيام راحت بالعمر مثل الأحلام
يومٍ بها زعلان وأيام رايق

درست من دنياي واتعبت الأقدام
وبدلت عن بعض الطرايق طرايق

وكفخت بأفكاري كما الطير لا حام
وما عاقني عن ماكر العز عايق

يا صاحبي خذني معك سيف وحزام
وياك في وقت الرخا والضوايق

وترى البشر يا خوك منقسمة أقسام
بين الردي والطيب شفت الحقايق

لقيت من صلى وزكى ومن صام
ولقيت من هو لأقرب الناس بايق

ولقيت من قلبه حقودٍ ونمام
ولقيت من قلبه يعز الرفايق

ولقيت من يبني الأمل فوق الأوهام
واللي يموت ولا يعرف العوايق

ولقيت من يملك بساتين وأنعام
واللي من الحاجة ينام متضايق

الله خلق هالخلق سادة وخدام
ذي دبرة الرحمن رب الخلايق

وآخرك يا ابن آدم قطعة الخام
أمرٍ أكيد وما يبيله وثايق

يا الله عسى ما أكون قطاع الأرحام
وعساي من عقب القبر في حدايق

جاك الكلام وخذ معه بصمة إبهام
إن العمر كله مجرد دقايق




تحيااتي

المصدر: منتديات تراتيل شاعر - من قسم: ديوآن آلقصيد ▪●

---

dh whpfd o`kd lu; sdt ,p.hl whpfd