العذب خالد المري (عسى الهونر)

(عسى , المري , العذب , الهونر) , خالد

العذب خالد المري (عسى الهون)

الأنيق والشاعر والمبدع والمنشد خالد المري (العذب)
بهذة الابيات عندما انشدها أسر قلوب من يعشق هذا الفن
من الشعر والشيلات بصوتة الرقيق العذب

عسى الهون لأهل الهون والجود لأهل الجود
وعسى الله يعطي كـل حـيٍ علـى ظنّـه

وعسى أهل النوايا الباطلة والقلوب السـود
يعاقبهـم الله ومــا يدخلـهـم الجـنّـه

حشى ما يجدد لك جروح الحشـا يـا كـود
اليا جـت مـن اللـي مـا توقعتهـا منّـه

تصبرت أخاف مـن المشاريـه والمنقـود
وأنـا مؤمـنٍ وأصلـي الفـرض والسنّـه

أقدّر وأسامـح وأحسـب نقصهـا والـزود
اليـن يتمـادى بـالخطـأ راعـي العنّـه

وأحب الصميدع وأذخره فزعـة المضهـود
وأداري عليـه مـن المناقـيـد وأحـنّـه

وفعل الوفـا منـي لـراع الوفـا مـردود
ولاهـوب لكنـي إلـيـا صــار لكـنـه

هواجيسي وشعري كمـا النـار والبـارود
ومن غيـر لا أعمّـر مـن التتـن وأكنّـه

على ما قسم ربي وجـودي مـن الماجـود
أحفر الصخر وأسخّـر القـاف ليـن أنّـه

يجـي سلسبيـلٍ حالـيٍ صافـيٍ قرهـود
ومثل الجنيهـي فـي بريقـه وفـي دنّـه

وهبنـي جزيـل المـدّ والفضـل للمعبـود
ولا غيـر وهـاب الوهايـب لـه المـنّـه

على طول حبـل المعرفـة حبلهـا ممـدود
وعلـى كـل فـنٍ وكـل فنـان لـه فنّـه

أدور عليهـا درب لـو دربهـا مـسـدود
وأدنـدن وأجـرّ الصـوت وأطـوّح الونّـه

طموحي ولو دونـه حنيـن ودويّ رعـود
ولو صار مهما صـار مـا عنـي وعنّـه

لـعين الهنوف الفارع أم العيـون السـود
وذيـك الجـدايـل والشفاتـيـن والبـنّـه


منقول

المصدر: منتديات تراتيل شاعر - من قسم: ديوآن آلقصيد ▪●

---

hgu`f ohg] hglvd (usn hgi,k) hglvd hgu`f hgi,kv)