الإعاقة الفكربة ( موضوع للنقاش ) بقلمي

وعليكم السلام والرحمة
اسمح لي بالرد على الموضوع على جزئين
الجزء الأول عامي .. وربما هو خروج عن النص قليلاً
الجزء الثاني .. الرد على الأسئلة أعلاه
/
( فضفضة بالعامي )
لما كنت طالب بمجرد أن إدارة الأنشطة الطلابية أعلنت
عن ورشة تُدار من قبل شخصيات إعلامية لها اسمها
قررت أحضرها ! ... وفعلاً حضرت
كانت القاعة مليانة بالطلاب ومن مختلف التخصصات الجامعية
المهم : واحد من الشخصيات طلب من الحضور يعددون أنواع
المشاركات اللي يعرفونها ( كمدخل لبدء الورشة )
كان التجاوب رائع !
اللي قال المشاركة الاجتماعية واللي قال المشاركة الاقتصادية
واللي جاوب بالمشاركة البيئية
لكن استغربت !
في نوع رئيسي ما ذكروه الطلاب رغم خلفيتهم الجيدة
واستغربت أكثر إن المحاضرين بعد ما انتهوا من السؤال
أعرضوا كل أنواع المشاركات على شاشة العرض الكبيرة
إلا هالمشاركة المسكينة اللي لاحول لها ولاقوة !
يا اخوان ( المشاركة السياسية ) أهم نوع تم تغييبها كلياً وتلقائياً
لا الطلاب ذكروها ولا المحاضرين المخضرمين ولا كأنها موجودة بالحياة
ويتم تدريسها في المناهج العلمية أصلاً
طبعاً أنا أكتب الآن الموقف وأتذكر مسرحية ( سيف العرب )
لما عبدالحسين عبدالرضا بدور صدام حسين مسك
( طارق العلي / المواطن البسيط ) من قفاه وقام يتنافض ويرتعش من الخوف ههههههههه
طبعاً بعد هذي المهزلة ماقدرت أكمل الورشة للنهاية
فـ رزيت طولي ومسكت شنطة لاب توبي وطلعت
بالرغم إن عليها شهادة مهمة
/
المراد من الموقف : تغييب ( الوعي السياسي )
بقصد أو بغير قصد عن ذهن الأجيال
يخلق نوع من " التخلف " وتتسيد القضايا الهامشية الأولوية
بالتالي : يصبح المواطن ما يمتلك الآفاق الرحبة فكرياً لمناقشة
قضاياه المحورية في المجتمع مثل ( الفقر، توزيع الثروة، المساواة ..الخ )
ويظهر على السطح مطبل ومتنفذ وشتام .. لايفقهون بالحقوق والواجبات
والمواطنة شيء .. ويخونونك طبعاً .
لين ماوصلنا اليوم لمرحلة ( العرقلة الفكرية والتأخير التنموي )

- تابــع -