ويصحى جرحي الدامي

اليامي , يريد , ويزيد

ويصحى جرحي الدامي

ويصحى جرحي الدامي ومن شيلة "لحن مهجور "
لحنها لامس احساسي وحرك كل وجداني

ويصحى داخل ضلوعي غلا من سبته مطمور
طمرته بعد ما غاب ونسى حبي وتناساني

حسبت إني دفنت الحب ومن مدة ثمان شهور
أقول إني دفنته بالحشا من بعد حرماني

ويصحى ينتفض ريشه وأشوفه كنه العصفور
وحيدٍ فاقدٍ سربه ومكسورٍ وعطشاني

يموت الشوق بغيابك ويصحا بك وهو مقبور
متى ما مرني صوتك دعاه الشوق وناداني

تعال وبدد أحزاني ووحشاتي وهجير صدور
تعال اسقي بشوفك توت حبي.واسقي رماني

تعال انسى الهجر وأمطرني بحبك. ورش عطور
تعال وفرّح عيوني وهدّي قلب ولهاني

أرتب لك قصيدي وأقطف من الشعر أحلى زهور
زهورٍ ترتوي بدمعي ومن دمي وشرياني

تعال اغسل صحاري القلب وبدل الجفا بسرور
تعال اعزف وتر قلبي وغني باسم ديواني

تعال اشعل وصالك من هنا والين باب السور
تعال وضمد اجراحي بعد بعدك ونسياني

أنا والله ما اخترتك ولكني جسد وشعور
على ماقيل أنا بشر على ما قيل انا انساني

بعض الأحيان أنا صاحي وبعض أحيان أنا مسحور
سحرني حبك الظالم سحرني طول هجراني

المصدر: منتديات تراتيل شاعر - من قسم: هذيان الروح ▪●

---

,dwpn [vpd hg]hld hgdhld dvd] ,d.d]