07-28-2020, 03:34 PM
|
|
|
|
|
|
نقطة حبر
نقطة حبر نزلت غلط...... علي اخر الكلام
رسمت نقطة الحبر صورة غلط لعلامة استفهام
بصيت شوية وسرحت
ولقيتها فعلا مكتوبة
!!الرجل فوق والراس تحت
لعلامة مقلوبة
يا دي العجب....؟
رفعت صوتي وصرخت
طب ايه السبب ..؟؟
قالوا اصل الجواب مقلوب .. فسؤالك اتقلب
القط بقي فار و****ك اتغلب
الجواب مقلوب ؟؟؟؟؟؟؟؟؟؟
اه ,, مقلوب الجواب
وخدها كدة بالخبرة
تقدر تقولي يا سيدي يعني ايه الدنيا اضيق من خرم الابرة؟؟؟
تموت عايش وتعيش ميت
وهي دي العبرة
قال ايه .. العبرة بالنهاية
دي نهايتك هي اللي عبرة
بلااااااااش دي
تسمع واحد يقولك روحي في مناخيري ؟؟
وهي الروح يا ابني ممن تسكن في المناخير؟؟؟؟
....!ممكن
اللي خلي خيري
ما دخل جوف عيالي
وسكن في جيب الغير
والله دنيا مقلوبة ... شمالها يساوي يمين
تقدر تقولي ايه الحكمة ان راسك فيها بدل العين الواحدة اتنين؟؟؟
اه طبعا ..... عشان اشوف بيهم
هأأ ..... **** يا كبدي
والفهم عندك ضنين
العين الاولي تشوف بيها سنة
والتانية تبكي علي اللي شافته الاولي سنين
دي ودنك لو تسمع ايه بيقول لسانك
ما كان لسانك نطق الا جراح وانين
انسان نفسه يكون ****ويعيش في برطعه
و**** نفسه يكون انسان ويخلع البردعه
والله ال**** من حقه يكون انسان
اسألني ليه ؟؟؟؟؟
لييييييييييييييه؟؟؟
هقولك ليه
ال**** علي الاقل عارف طريق داره
اما الانسان غاية ما حط رجله بره بيته اتقل مقداره
يا راجل ...!!! يا راجل دة ال**** يقدر ياخد قراره
ويفضح الانسان نفسه ويكتم سره ****ه
وبعد دة كله تقولي علامة الاستفهام مقلوبة
دا انت وظيفتك في الحياة ارادة مسلوبة
تقدر تقولي ايه الفرق بينك وبين الجزمة؟؟؟؟
ماااافيش فرق زي ما بتلبسها بتلبسك .. هي نفس الازمة
الفرق الوحيد ان هيه ليها لزمة
هييييييييييييييه اقولك ايه ولا ايه
يقولك مصارين بطنك بتتعارك ايه رأيك؟؟؟
تقدر تتدخل ..؟؟
تقدر تصلح بينهم او حتي برأيك تشارك؟؟
عشان تعرف قد ايه انت ضعيف
قليل الحيلة ,, محكوم برغيف
يمكن تكون زلزلال بس هزاتك
يدوب تهز عقلك والباقي من حياتك
وتدور تلف وتقول :؟
ادوني حته حياة في طبق
هاعصر عليها لمونة وابلعها
يضحك عليك الزمن ويقولك :؟
يا ابني ... يا ابني الحياة محدش بيخدعها
هنروح بعييييد ليه بص كدة في المرايا...!!؟
صورتك فيها معدولة ؟؟
kr'm pfv
|
|
2 أعضاء قالوا شكراً لـ شموع الحب على المشاركة المفيدة:
|
|
تعليمات المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
كود HTML معطلة
|
|
|
الساعة الآن 01:46 AM
|
عضويتي 
العرض الشجري