تناديك ل ياسر من أجمل ما قال

تواجدك , ياسر

تناديك ل ياسر من أجمل ما قال

من عيون الغزل هذي ل ياسر التويجري كلمات غزلية فيها كمية من الاحساس غير طبيعي
طبعا زاد جمالها
ماجد وراشد باللحن المميز
اروو عطشكم منها



تناديك رغبات المقابيل
من الأرض وانتي بالمجره

تهادي على غصنٍ من الليل
وتمادي على القلب ومقره

ترى كل هالدنيا تساهيل
مادام اننا بنعيش مره

تلدين وتزين التعاليل
تصدين وتصد المسره

واناديك ودموعي هماليل
وفي الصدر تنهيده وحره

أحبك وما للحب تأويل
ولا شفت منك إلا المضره

وتموني يا ريم المكاحيل
على القلب في خيره وشره

إذا جيتي أستاهلك بالحيل
وإذا كان ما تبغين حره

فديت الوسيعات المظاليل
رماح الهلاك المستشره

وخطواتك اللي بالخلاخيل
لها في الصدر والقلب جره

وسواليفك بكل التفاصيل
وصوتك بها لله دره

أبي منك ما ينهد لي حيل
على شي ما يسوى المضره

وأبي صادقات التهاليل
إذا جيت أبشكي وأتشره

من الحظ وأشباه الرجاجيل
وعثرات وقتي المستمره

وطموحاتي الغر المحاجيل
وخذلانها مع كل كره

أعدل المساوي يطيح قنديل
وأهز الجفن وتطيح قره

واناديك ودموعي هماليل
وفي الصدر تنهيده وحره

أحبك وما للحب تأويل
ولا شفت منك إلا المضره



كلمات: ياسر التويجري

المصدر: منتديات تراتيل شاعر - من قسم: ديوآن آلقصيد ▪●

---

jkh]d; g dhsv lk H[lg lh rhg j,h[]; dhsv