القلوب البيض تبقئ مثل مآهي

ملهى , البيض , القلوب , تتقن

القلوب البيض تبقئ مثل مآهي

’،

يوم هبّ الوقت وأعماني عجاجه
الفرج عيّا .. وأنا بالصبر راهي !

ويوم مال وطاآاآل ميله وأعوجاجه
رحت أدوّر شي ٍ يشد إنتباهي !

وشفت زولك مقبل ٍ مثل إنفراجه
كنّه اللي جايبٍ عزّي و جاهي

ياآاآه ياضيقات صدري وإبتهاجه
تذكر آخر مرة ٍ شفتك ..متى هي !

صاحبك من يومها زاد إحتياجه
وأمتطى ظهر المصايب والدواهي !

سولف الليله على قلبي و ناجه
من بقى لي غيرك أفخر به وأباهي !

يابعد من كدّر غيابي مزاجه
ويابعد من مرّت حروفه شفاهي !

رغم حيرة قلبك ورغم إنزعاجه
الزمن .. ماغيّر احساسه تجاهي !

ورغم وحشة بعدك ..و ( قسوة سياجه )
كل حاجه فيك ظلّت مثل ماهي !

الخجل في وجهك أول مـ نتواجه
والبراءه في عيونك وأنت ساهي !

وبسمتك لامن بغيت تقول حاجه
وغيرتك لاشفت كنّي عنك لاهي !
قبل أشوفك .. والزمن عاقد حجاجه
أسأله : وش فيك ؟! وألقى العذر واهي !

ويوم شفتك قلت للوقت وعجاجه :
هيه ياللي في طعونك كنت راهي !

أنت لو غيّرت فينا ألف حاجه
القلوب البيض تبقى مثل ماهي !

شاعر
فهد المسآعد.

المصدر: منتديات تراتيل شاعر - من قسم: ديوآن آلقصيد ▪●

---

hgrg,f hgfdq jfrz leg lNid lgin hgfdq hgrg,f jjrk