ياليل واحلام المواليف تلتم ~

المواليف , تمثل , ياليل , واحلام

ياليل واحلام المواليف تلتم ~

,
ياليل واحلام المواليف تلتم
عقب البطأ جتنى الخطاوي عجوله

اثر الغلاء يجري معا معبر الدم
واستوطنت كل الاحاسيس حوله

رميت بي ياقلب في دوله الهم
وبخافقي خليت يسهل دخوله

ظامي ورجلي بلبلل هدها اليم
وتعجز كفوفي مركبك ان تطوله

الكون من جور الصواديف اظلم
عندي كأنه قد تخالط فصوله

وش بك تبادلني المحبه وتهتم
والوصل تضمى عند بابك ذلوله

ماجاز لك تعطي ودادك وتحرم
ويموت من فعله يدينك رسوله

تظلم وتجني لين ماصرت مجرم
عثت الجروح ومد هالحزن نوله

ادميت قلبآ فيك تايه ومغرم
ياما من الخود الحسانا سعو له

قد كنت لك في الحب دوله ومعلم
لاضاق صدرك يختفي لو تجوله

واليوم لاوالله ماعاد تكرم
للعين دام الورد اعلن ذبوله
,
وّد مٌعتق ~

المصدر: منتديات تراتيل شاعر - من قسم: ديوآن آلقصيد ▪●

---

dhgdg ,hpghl hgl,hgdt jgjl Z jleg dhgdg