وقف معـا فكـرك وفكـر فديتـك
لاحظ قدرنـا نجتمـع أنـا ويـاك
هويت روحـك بالغـرام وهويتـك
مافيـه روح ٍ بالمخاليـق تسـواك
إن كان ودك في عذابـي عطيتـك
يفداك عمري قبله العيـن تفـداك
وأقطع حشاي وعّلقه وسط بيتـك
كل شي يهون وخاطري حيل يهواك
عذب على كيفك ترانـي شريتـك
روحي وعمري فدوت ٍ لك ولخطاك
بديت في حبـك تقـول أنتهيتـك
كيف أنتهي وأنا أتشفـق لملقـاك
ياليتنـي كـل مابغيتـك لقيـتـك
وياليتنـي أقـدر أناظـر مُحيـاك
بهديك روحي والعمـر مانسيتـك
أنسى فؤادي ياحياتي ولا أنسـاك
ألامس أحـلام الوفـا لا طريتـك
وأسهر ألملـم خافقـي وأتّحـراك
نام الحكي بأطراف جفني وجيتـك
عجزت أعبر عن شعوري بليّـاك
إمن البحر نسمه مشاعـر هديتـك
وشلون مايهديـك قلـب ٍ تمنـاك
ليتك تحس الشوق فينـي ياليتـك
ليتك تلامس مبسمي يالغلا إن جاك
هذي الحقيقه قلتهـا لـك فديتـك
غير العمر وشهو بقا بس يفـداك
مما راق لي
juJhg fYpshsJ; jvhkJd fydjJ; fydjJ; juJhg
12-20-2019, 12:52 AM
عضويتي 
تعـال بإحساسـك ترانـي بغيتـك
العرض الشجري
