03-24-2019, 10:40 AM
|
|
|
|
|
|
حاولت اصد وما لقيت السلامه
.
من فوق غصن الشوق ناحت حمامه
في نوحها صوتِ من الحزن مبحوح
حاولت اصد وما لقيت السلامه
وش فائدة صدى وانا سامع النوح
ودخلت في ضيقة بدت بابتسامه
بسمه وداع لطاري الضحك ومزوح
ودتني لموج الفكر والتطامه
على ضفاف الحب من غير مصلوح
الحب بلوى وابتليت بغرامه
وجهِ خلقه الله حالي ومملوح
ما غيره اللي حط فيني علامه
تحكي تفاصيلي بلا حكي وشروح
عشاني المغرم دفعت الغرامه
عشاني متعود على قول مبيوح
خلاني اسهر له وهو في منامه
مابين حرماني وما بين الجروح
الليل الاسود في جفوني ظلامه
وجه الطموح من السهر صار مفضوح
ما بين جلد الذات ويا الملامه
خلاني العايش على شكل مذبوح
راحت حياتي ***وها ندامه
وش باقي من عمري بعد وده يروح
من فوق غصن الشوق اثر الحمامه
تبكي على حالي ومن همي تنوح
لقاني متعلق وقل اهتمامه
لقاني ادمح له خطا غير مسموح
احيان ودي لو تقوم القيامه
واحيان ودي لو تفارقني الروح
.
ph,gj hw] ,lh grdj hgsghli hgsghli
|
تعليمات المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
كود HTML معطلة
|
|
|
الساعة الآن 02:30 AM
|
عضويتي 
العرض الشجري