تاخذنـي الغربه

الغربه , تاخذنـي

تاخذنـي الغربه

تاخذني الغربه من الأمس لليوم..
واتوه بين ايامها والليالي..

وابحث عبث عن بسمة انسان محروم..
يمكن الاقي للسعاده معاني..

وانزف صبر واستسقي جروحي غيوم..
لين السنابل تحتضر في كياني..

وانا انتظر يتنفس الصبح ويقوم..
ليت الصباح المنتظر مانساني..

ينفض بي الضلما ويقعد بي النوم..
ويسيح في كاس الظلام وملاني..

الوقت يرمي عذقي المثمر هموم..
واعطيه من عذقي كثر مارماني..

عمر الأمل ماغير بشي مقسوم..
وعمر الحزن ماسد باب التهاني..

عذر البحر ماقال للخايف يعوم..
وعذر الشواطي ماتحب المواني..

امسح بكفين الأمل دمعة اللوم..
وان جف حلمي غيم حلمي سقاني..

وان مر حزني يوم جال الفرح يوم..
وبالابتسامه صرت اساير زماني..

مافيه احد محروم لو كان محروم..
مادام يقدر يبتسم لو ثواني..

المصدر: منتديات تراتيل شاعر - من قسم: ديوآن آلقصيد ▪●

---

jho`kJd hgyvfi