أنا الصابر وانا الرآضي وانا اللي لابكـى معـذور

اللي , الرآضي , الصابر , وانا

أنا الصابر وانا الرآضي وانا اللي لابكـى معـذور

تعيش الهـم فـي ظلمـة بليـلٍ مابـه اسراجـي
ليا ميّلبك الوقت ورأيـت امـن الليالـي جـور
تصبّر واصطبـر ياقلـب بعـد الصبـر مفراجـي
ترا قو اليقين اليـا ملكتـه صـار لـك دكتـور
يداوي جرح غـاور ماتلاقـي غيـره اعلاجـي
أنا الصابر وانا الراضي وانا اللي لابكى معـذور

حزين ٍ ماصفا جـوه تخالـط جـوه اعجاجـي
وجودي وجد شيخٍ عاش فاخـر دنيتـه مقهـور
بعد مـا ماتـوا اعيالـه ذرف دمـعٍ بهملاجـي
رأى من دنيته ذلٍ بعـد ماعـاش عـز اعصـور
وعاش الخوف من عقب الشجاعة بين الافواجـي
انا اللي اكتم العبـرة واداري جرحـي المستـور
وامازح من يمازحني وجرحي وسـط دولاجـي

انا اللي يضحك امع اللي ضحك والحزن به جاحور
غدا ضحكي مجَامَل لا حشا ماهـوب مبهاجـي
ياكيف ابهج وفي عظم الحنايـا داخلـي ناخـور
نخر عظمي ثقيل الهـم جوفـي ياعـرب لاجـي
ترا ماكل من يضحك سعا فـي دنيتـه مسـرور
يقوله من حدر درب الشقا مـن بعـد معراجـي
يقوله من جناحه من صواديـف الزمـن مكسـور

اسير الحزن كـن الحـزن طوّقنـي بالاسياجـي
يقوله من حنت حالـه همـومٍ حنيـت الباكـور
يقوله مـن يساهـر ليلـه الدامـس بسوهاجـي
يقوله من بخص دنيا العنا جـرّب وغـاص ابحـور
مجرب ذاق حر الصيـف مـن دنيـاه منعاجـي
انا المجنون والعاقـل انـا المطلـق انـا المأسـور
على امجاهد زمان الهول صبـري صـار منهاجـي

انا اللي بالعزيمـة صابـرٍ بالكسـر انـا البابـور
ابصبر لين احصّـل فـي بحـور الصبـر مخراجـي
وابجنح في حياتي مـا أبـي شاهـر ولا مشهـور
ابجنح عن لجيج الخلـق ماسمـع منْهـم ازعاجـي
وابنهج حكمة الصمت الرزيـن ولانـي ابهـاذور
حشا مانيب واشي فـي بيـوت النـم هراجـي

..~

المصدر: منتديات تراتيل شاعر - من قسم: ديوآن آلقصيد ▪●

---

Hkh hgwhfv ,hkh hgvNqd hggd ghf;Jn luJ`,v hgvNqd