طويت الياس ..

الخاص , طنجة

طويت الياس ..

طويت الياس واعلنت الرجا في صفحة الايام
ونابتني ظروف الوقت واعلنت الرجا فيها

بعيش بحاضري وانسى سنين عشتها بالاحلام
عسى النسيان ما بالقلب من نيران يطفيها

ابنسى من نسى قلبٍ تولع بالغرام وهام
ابنسى من صفات الغدر عادة يفتخر فيها

تبي تعمل معاية دعاية قصة افلام
جميع الذكريات اللي تعلق فيك ابا انفيها

تمتع في حياتك بين واشنطن وأمستردام
وحالي يا قليل الخاتمة ربي يعافيها

انا باعيش في دنياي وانت روح عش باوهام
عسى الايام تكشف ما تخبي لك خوافيها

ولك يوم تجي تعتذر حافي الاقدام
ولكن ما حصل للنفس يا خوان يكفيها

المصدر: منتديات تراتيل شاعر - من قسم: ديوآن آلقصيد ▪●

---

',dj hgdhs >> hgohw 'k[m