حبيبي ما قويت أصبر وأنا كلي وله منثور
أحسب الساعه بغيابك أعد أصغر ثوانيها
أحسب الليل يسمعني وشمس بالنهار تدور
أفكر كيف ما يفهم عيوني ما يداريها
ألا يا ليل يا بردك توكل وإبتعد مشكور
أبي ليل يجي بعدك وأبي صبحك يعديها
أنا
قارب بلا
مجداف ساكن في زمن مقهور
غريق في بحر أشواق وبعيد عن موانيها
حبيبي لا تلوم اللي تعلق في سماك شهور
أسولف لك عن أيامي من أولها لتاليها
نويت أرحل نويت أترك بقايا خاطر مكسور
نويت أبعد عن أيام تعبت أجمع بلاويها
نويت أمسح ظلام الوقت وأختارك بداله نور
أبي عينك على دربي وأبي عيني تباريها
أعد نجوم هالدنيا سهيت وعدتها مجبور
أحاول أجمع نجومي ولاني قادر أحصيها
أحبك كثر ما عديت كثر ما في السحاب طيور
أحبك كثر ما خاوت حروف العشق هاويها
أحبك كثر ما شافت عيوني بالشمال زهور
وأحبك كثر ما شافت عيون الناس غاليها
حبيبي ما قويت أصبر وأنا كلي وله منثور
أحسب الساعه بغيابك أعد أصغر ثوانيها
مما رق لي
12-31-2017, 02:12 PM
عضويتي 
أنا قارب بلا مجداف ساكن في زمن مقهور
العرض الشجري
