وصايا..فصل الرفقه

الرفقه , وصايا..فصل

وصايا..فصل الرفقه

وصايا عشـر

أبوي يقول إسمع وصاتي وأنا أبيك
عشر وصايا قادحه من شرارهـ

من تجربه الدنيا وجردن مهاليك
لقا بها الأفراح عقب المرارهـ

الأوله طيب النبى في ملاقيك
حافظ عليه ولا تنقص عيارهـ

لا تغض عينك لا تكلم محاكيك
عطه على جوهـ وقدر وقارهـ

والثانيه من جاك زابن وناصيك
قله إحرست ودارك تصير دارهـ

وإن صاح إبن عمك فلا تقول وشفيك
إفزع معه وإصمد على كل غارهـ

والثالثه خوة أهل الطيب تغنيك
وإلا ضعيفين الروابع خسارهـ

ومن يضحك بوجهك وهو ما يدانيك
كبه وخله يحترق وسط نارهـ

والرابعه لا حزت نصرك بأياديك
إقنع بنصرك لا تعاود مسارهـ

لا تومي بنفسك بدرب المهاليك
مشين على الرجال كون إنكسارهـ

والخامسه خابرك وأنا مربيك
ما ينفعك كثر اللعب والدوارهـ

قلط ربوعك مجلسك يوم تأتيك
وخل الدخون يدور داير مدارهـ

والسادسه رفيقك إللي يخاويك
سافر معه وتعرف ماكر حرارهـ

أما رفيقن في مماشيه يحيك
وإلا تغير وجهتك عن مسارهـ

والسابعه سرك يميتك ويحييك
عليك بالكتمان تارهـ وتارهـ

إفشاء سرك عند من لا يراعيك
ما يرفع البنيان عقب إنهيارهـ

والثامنه من قبل لا أقول وأوصيك
لا خير في جارن ما يحب جارهـ

جارك عطه روحك وما تملك إيديك
ركد له الدله وشب المنارهـ

والتاسعه لو يغلط بحقك أخوك
خذها بشحم وإرفع مع الناس كارهـ

علمه ترى علمك وطاريه طاريك
عليك به لو كان ماله جدارهـ

والعاشرهـ حب الهوى جعل ما يجيك
وإن جاك فاللطف به وصونه ودارهـ

يومن بيضحك بك ويومن وبيبكيك
ويا عزتي لك لا تعدى الستارهـ

وإللي عن العشر الوصايا بيغنيك
عمود دين ونور درب ومنارهـ

ترى الصلاهـ وبس هي من تنجيك
وإللي ما هو يصلي حياته خسارهـ

المصدر: منتديات تراتيل شاعر - من قسم: ديوآن آلقصيد ▪●

---

,whdh>>twg hgvtri