العمر فدوه .. لكن القلب هاته

العمر , القلب , فدوه , هاته

العمر فدوه .. لكن القلب هاته

شفتك بعد غيبه .. وحاولت احاكيك
مهوب من قلبي ولا من جراته


فزيت من نومي وانا اقول لبيييك
وآثرك رويا .. في منامي وجاته


صفقت كف .. وقلت يا حلم وش بيك
جددت لي جرح ٍ هنى في مباته


يا اللي شريت البعد .. ما غاب طاريك
حتى لو ان البعد .. سوى سواته


مهوب محزني .. على حاجةٍ فيك
إلا إن قلبي شايف ٍ بك غناته


كن الطيوف تقول وشحال غاليك
وآقول راح .. وما بقى الا غلاته


لو ان ما جاني من الهم ياتيك
كان المصلي ما حفظ وش صلاته


مريت دربن .. وصادفتني مواريك
واللي قطع كبدي .. حلاتك حلاته


بغيت الخبط من دعاياه ,, وادعيك
واسمك وقف بين اللسان ولهاته


وبغيت اجيب العيد وآقول : يرضيك
فاللي وصاتي له .. وضيّع وصاته


البعد شيّب خافق ٍ ميت فيك
والى مشى خطوه عثر في عصاته


مشكلتي / إن قلبي يحبك ويغليك
ومشكلتك / انك شخص عايش حياته


كثر الجفا .. نار .. وحطبها تغليييك
خف الحطب .. لا تزيد نار الشماته


إن ما احزنك جرح ٍ برجواه يدعيك
ما عاد تفرق .. عيشته من مماته



قلبي وعمري .. كلها بين اياديك
العمر فدوه .. لكن القلب هاته

المصدر: منتديات تراتيل شاعر - من قسم: ديوآن آلقصيد ▪●

---

hgulv t],i >> g;k hgrgf ihji hgrgf t],i