وقفة مع النفس قبل رمضان

النفس , رمضان , وقفة

وقفة مع النفس قبل رمضان

ياريت نقرأ الموضوع للاخر
رمضان قرب
طب الحمد لله رب العالمين
ربنا يكرمنا جميعا ويبلغنا رمضان باذن الله
ويرزقنا فيه كل خير ان شاء الله

بس عاوزين نقف وقفة بجد مع نفسينا
نشوف احنا فين مش كلام وخلاص
محدش فينا سأل نفسه قبل كده
هو ايه اخرة اللي بيعمله يعني في كتير مننا
والحمد لله ربنا كارمهم وعندهم كل اللي بيتمنوه

والحمد لله علي كل شيء


يعني كتير مننا في نعمة والحمد لله بل كلنا في نعمة
انا عارف انت ممكن تقرا الموضوع ده
علي انه موضوع عادي وكأن مفيش حاجة حصلت
زي ما اي حاجة بتعدي علينا وبنتجاهلها
بس انا هقلك بجد الموضوع ده اللي بيني وبينك
فيه عقلك وتفكيرك انت انسان عاقل

وتقدر تحكم علي الاشياء مش شوية كلام

هما اللي هيخلوك تعمل او متعملش
بس احنا ليه بنشوف الحاجة الصح دايما
ونبعد عنها هل بنخاف او بنحس
ان مش احنا اللي المفروض نعمل كده؟؟

طب انا هقلك علي حاجة انت عارف
ان ربنا موجود سبحانه وتعالي ؟
هتقلي طبعا يا عم انت بتقول ايه

بس,هقولك مهي دي المشكلة
كلنا عارفين ان ربنا موجود وشايفنا

بس كتير مننا بقوا مش فاهمين
او بيحاولوا ميفهموش مش شايفين

او بيحاولوا ميشفوش اللي حواليهم ؟
هتقلي ياعم مهي كل الناس عايشة والسلام

عيش بقي وربنا كريم وبيغفر

وبعدين احنا مبنعملش حاجة جامده اوووي يعني
واحنا مسلمين الحمد لله

وان شاء الله هنخش الجنة

هقلك طيب الحمد لله كويس انك عارف انك مسلم

بس مش جا الوقت اللي تقعد وتفكر مع نفسك
انت ماشي صح ولا غلط انت عايش ليه اساسا
طيب هقلك حاجة بص في الدنيا من حوليك كده
حاول تركز كده شوف الدنيا ماشيه ازاي ؟
كل يوم ناس بتموت ناس انت عارفهم

كانوا في يوم من الايام بيتكلموا معاك وبيسلموا عليك
وكانوا برده بيحلموا يعملوا ويعملوا
في منهم ناس ماتت وهي صغيره

وناس ماتت وهي كبيرة وفي وفي
طيب انت عارف هتموت امتي ولا هي اماني وخلاص

كل يوم بتشوف الموتي ومبتعتبرش
وكل يوم تسمع العجائب ومبتعتبرش ؟
طب هقلك علي حاجة سيبك من دي كمان
انت ايه مشكلتك في الدنيا دي
نفسك في ايه عاوز فلوس ؟
طب عاوزها ليه ولا هو طمع وخلاص ؟
عاوز تبقي مشهور ؟

حاجة مش وحشه بس ليه برده ؟
انت عاوز تعمل ايه ؟
طب الناس اللي قبلك دول عملوا ايه ؟
انت فاكر انك عايش لوحدك وانك مش هتموت ؟
والله العظيم هتموت اللي قبلك ماتوا
واللي بعدك برده هيموتوا ؟
الفلوس

الفلوس دابت واتسمت باسامي تانية
والذكريات

الذكريات ضاعت والملك ؟
الملك لله بس مش لحد تاني ؟
الاماني

اماني ايه بقي انت خليت فيه اماني

هقلك ليه
بس ياعم طب متحاول تعرف انت رايح فين

وجاي منين متقف شوية مع نفسك كده
مش زي ماهما يروحوا تروح معاهم

وزي ماهما يجوا تجي معاهم انت ايه معندكش شخصية ؟

دانتا اعظم مخلوق خلقه ربنا

ده ربنا نفخ فيك من روحه وجعلك
في احسن تقويم عاوز ايه تاني ؟
بص حواليك كده وبص في التاريخ والماضي
مش عيب شوف الناس اللي كانت بتدور
علي الفلوس راحت فين واللي كانوا بيدوروا

علي الملك حصلهم ايه شوف نجوم هوليود

اصحاب المليارات شوف كام واحد بينتحر منهم كل سنه ؟
لا حول ولا قوة الا بالله وده ليه ؟
شوف اسأل نفسك انك
طب انت نفسك في ايه ؟
طب هقلك علي حاجة حلوة اوووي

انت مش عارف ان ربنا موجود
وهو علي كل شيء قدير
دا انت معاك حل لكل العقد ومعاك حل لكل المشاكل

ربنا سبحانه وتعالي موجود مطلع علينا
عارف كل واحد فينا بييسر لينا امورنا
حتي واحنا بنعصاه بس مجاش الوقت
اللي نرجع فيه لربنا هو في حد فينا
هيعيش ولا حد ضامن حتي يعيش لبكره ؟
مجاش الوقت اللي نرجع فيه بقي ونقله يارب سامحنا
ويسرلنا امورنا يارب احنا تعبنا من كل المعاصي
احنا ضيعين ومشيين لوحدينا في الطريق وانت الكريم

انت فاكر ان ربنا هيرد توبتك
لو انت توبت اليه ؟
طب انت خايف تتوب ليه ؟
خايف تقرب من ربنا ليه ؟
عشان الشله يعني علي القهوة ميزعلوش
ولا عشان صحباتك ميبعدوش ؟

انت مالك كده مش فاهم انت ليه بتبص تحت رجلك

متبص قدام شوية ياعم ؟
هو انت فاكر انك لو تبت لربنا
مش هتعرف تعيش حياتك
لا لا دنتا فاهم غلط والله ؟طب اسمع كده
ربنا بيقول ايه
))ولو أن أهل القري أمنوا واتقوا لفتحنا عليهم بركات من السماء والأرض))
لسه مش فاهم ؟
لسه مش عارف انت عايش ليه ؟
واما هتموت هتروح فين ؟
لسه مش شايف الطريق الصح ؟
هتقلي ياعم انت مش شايف

مهو الكل عايش والحياة زي الفل والخير كتير
بس متقفلهاش بالله عليك ؟
انت لسه مش فاهم ان دي فتنه
منتا شفت ياما عبر مش انا اللي هقعد
اقلك قصص واحكيلك حكايات

انت عندك عقلك وتقدر تميز ؟
اقرأ القران ارجع لربنا اعرف انت رايح فين ؟
ادعي ربنا وقله يا رب اهديني

والله صدقني مش هتندم انت بس جرب
وحكم عقلك بالله عليك حكم عقلك بس
وادعي ربنا من قلبك

وبعدين رمضان خلاص كلها كام يوم

طيب الحمد لله دي فرصة بقي في رمضان

نقدر نتوب بقي ونرجع لربنا
انت انووي بس واصدق التوبه

وخليها من قلبك ومن عقلك متخليش حد
يأثر عليك انت اعظم مخلوق خلقه ربنا
وانت عارف انت رايح فين ؟
اصدق التوبة كده قبل متخش رمضان
اعرف هدفك بالضبط عاوز تعمل ايه ؟
متعديش رمضان ده بالله عليك

غير متكون رجعت لربنا كده
انت متعرفش ده فيه مئات والوفات بيموتوا

اول يوم العيد انا مش عاوز اضيقك
بس فكر انت بعقلك مش هقلك انا حاجة

يلا رمضان قرب ده رمضان ده حاجة جميله اوووي
حدد فيه هدفك انت عاوز تتوب توبة صادقة

وترجع لربنا بقي

وتخرج من رمضان كده معلكش ذنوب
قلبك صافي وراجع لربنا

وتبدأ من بعد رمضان حياة جديدة
تحدد اهدافك وتتوكل علي الله
وتتعب وتجتهد وتتوكل علي ربنا في كل شيء

واما تلاقي حاجة تغضب ربنا هتعملها تبعد عنها

وعلي طول هتلاقي ربنا فتحلك طريق افضل
وتقول ياااه ده ربنا كريم اوووي

وتتعرف علي كرم الله وحكمته ورحمته

وتشكره علي فضله واما يبتليك ابتلاء
تصبر وتشكر وتتعلم وتدعي وتلاقي ربنا كرمك
واي ابتلاء اتحول لخير وفضل

وربنا يكرمك وتعلم ولادك من بعدك

وتربيهم تربية صح بقي
وتحفظهم القران وتعيش بالامل اللي بجد
وتبقي عارف انت بتعمل ايه

خلي بالك اللي انا قلته ده كله كلام

وانت اللي تحكم انت عاوز تعمل ايه
في حياتك انا مش هقلك اعمل او متعملش
بس الطريق الصح واضح والغلط واضح

وانت عارف بس ساعات الشيطان
بيبقي مغمي عنينا

خلي بالك ان التقوة والهداية
دي رزق كبير اووي وفي النهاية
(مَنْ عَمِلَ صَالِحًا فَلِنَفْسِهِ وَمَنْ أَسَاء فَعَلَيْهَا وَمَا رَبُّكَ بِظَلَّامٍ لِّلْعَبِيدِ)
وياريت رمضان ده يبقي بداية جديدة
لينا كلنا ونعيش احلي حياة في طاعة الله
تحيا طيبه ليكم جميعا ويا رب مكونش ديقتكم
تحياتى

المصدر: منتديات تراتيل شاعر - من قسم: نفحات آيمانية ▪●

---

,rtm lu hgkts rfg vlqhk vlqhk