بنت الرجـال تشـوم عـن درب الأنـذال

الأنـذال , الرجـال , تشـوم , بنت , حرب , عـن

بنت الرجـال تشـوم عـن درب الأنـذال

بنت الرجـال تشـوم عـن درب الأنـذال
وتـبـعـد جـنـابـه عــــن دروب الــرديــه

ماهـي فـي درب العشاشيـق تختـال
ولاهــو طمـوحـه يــوم تصـبـح خـويــه

ولاهي بتشرى بشحن هاتف وجـوال
ولا لا ولاتــشـــرى بـعــطــر وهــديـــه

ولاهي من اللي كل يوم(ن) لها حـال
وعنـده مـن الأصـحـاب عـشـره ومـيـه

الـيـوم مــع هــذا بــلا شــك وجـــدال
وبـكــرى مـــع هـــذاك تـعـقـد يــديــه

هذاك ترسـل لـه مـن الحـب مرسـال
وغـيــره مـعـاهـا بالمسـنـجـر سـريــه

تـضـحـك علـيـهـم واتـغـنــج وتـحـتــال
وهــم يـاحـرام يـجـون بـ أجـزل عطـيـه

أحـد(ن) تبـي منـه أسـوار وسلـسـال
وأحـد(ن)فـواتـيــره يــســـدد هــديـــه

وأحد(ن) لها يحول ألوف (ن) من المال
وتضـحـك وهــي تـقـول ديـنـك عـلـيـه

وش ينفـعـه لاقـيـل بـالإســم رجـــال
والبـنـت تلـعـب فـيـه صـبـح وعـشـيـه

أنا آشهد إنه لـو لبـس بشـت وعقـال
مـاجـمـلـه بـشـتــه بـعـيــن أجــوديــه

ووش عاد لو هـو مالـك قصـور وأمـوال
واسمه مسجـل شيـخ وسـط الهويـه

الشـيـخ مــن بيـتـه لـلأجـواد مـدهـال
مـاهـو بشـيـخ فـلـوس لارحــم حـيــه

وبنت الرجال اللـي تعـزوى بهـا رجـال
عينـه علـى الأشبـاه مـاهـي شقـيـه

مايشوق بعيونـه سـوى طيـب الخـال
الـلــي يـديـنـه مـــن عـطـاهـا نــديــه

عيـنـه عـلـى الطـيـب تنـاظـر وتخـتـال
ولــد الـرجــال الـلــي عـلـومـه غـنـيـه

ولـــو كـــان مايـمـلـك بيـديـنـه ريــــال
ويـــده مـــن كـنــوز الـدراهــم خـلـيـه

يكفـي الـى مـن مــر ذكــره بالأمـثـال
والـكــل قـــال ونـعــم يـاحــي حــيــه

ألماسـة (ن) ماكـل مـن هامـهـا طــال
وكــل (ن) يبيـهـا بــس مـاهـي دنـيــه

مصيونـة (ن) عـن قـول حاسـد وعـذال
ومحشومـة (ن) عـن درب ذم وخطـيـه

تخاف من هرج (ن) يجـي فيـه محتـال
حكيه شهد مدسوس في سـم حيـه

الطـرف يغضـي غصـب لاشـاف رجـال
والـعـيــن مــالــه بـالـنـظــر مـقــدريــه

هـي مهـرة (ن) مايعسفـه كـود خيـال
ذيـب (ن) سنافـي عـز مـن هـو خويـه

حـر (ن) شلـع مابـيـن هـامـات وجـبـال
لــه نـظـرة (ن) تــرث بالأعـمـاق كـيــه

علـى النقـى يصبـح لهـا فـي وظــلال
قــدام كـــل الـنــاس مـاهــي خـفـيـه

بوضـح النـهـار بــدون ريـبـه ولا أقــوال
الــصــح واضــــح والـخـطـيـه خـطـيــه

هذي هي اللي تنشرى بغالي المال
ويرخـص لهـا الغـالـي وتـشـرى يـديـه

وهــذي تـسـاوي بعـزتـه ألــف رجــال
وش عـاد لـو هــي بالمسـمـى بنـيـه

وهـذيـك ماتبـغـى ولــو مـهــره ريـــال
ولااحد(ن) يبيهـا كـود خبـل (ن) دهيـه

سبحان من هو فرق الناس بااشكـال
وألـوان وأفـعـال (ن) وحسـنـى وسـيـه

ومثـل مافيـه رخــوم بالـنـاس ورجــال
أيـضـاً بـنـات الـنــاس مـاهــن سـويــه

م/ن

المصدر: منتديات تراتيل شاعر - من قسم: ديوآن آلقصيد ▪●

---

fkj hgv[Jhg jaJ,l uJk ]vf hgHkJ`hg hgv[Jhg jaJ,l fkj pvf