رواية طويلة لا تشتكي من همومك للناس/2

حــــــــــــــــــــــصــــــه
كنت جالسه بين فتحه بسيطه تفصل جانب الدولاب عن الجداار .. كنت متكوره على نفسي رجولي لصدري ويديني مطوقتهااا وشعري كله على وجهي .. والدم تدرون وسخ ثيااابي خصوصاا وان البنطلون الي كنت لابسته ابيض ...سمعت طق ع الباااب .. مارديت كالعااااده ....توقعت انهاا وحده من الشغاالات ..جاية تناديني للعشااا ... ماادري شلي صاار كنت اسمع صووت الطق يزيد ... صوت رجالي ينااديني ...صوت مألوف مااعرف ..حسيت بجسمي يرتفع .. واصوات صرااخ ..وكل شي تحول لضباااب


فــــــــــــــــــــــــــــرح
رجعنا واناا ومنيره البيت وكنت مره متضايقه ... خصوصا وانعمتي مارجعت معاناا
منيره : انتي ليه اللحين مكشره
قلت لهاا : يعني عجبك ماخليتيني اجلس معااهااا
منيره وهي تشوف شادن نايمه بحظني : بالله عليك لوجلستي عندهااهالضعيفه من لهاا ... جدتك بالكاد تحرك ماشفتيهاا ياحرام شلون نامة وحيلها من هد
مسحت على شعر شادن : كان رجعت واخذتهاا معاي
قالت لي : حشى فندق مو مستشفى ... الا ماسمعتو شي عن راكان ؟!!
قلت بحسره : مااسمعناا شي ... تصدقين اشتقت له واايد .... اشتقت لاخوي ... اخوي الي طول عمري كنت افتخر فيه والكل يحسدني عليه اخوي الي رغم فقرناا ...كااان يحرم نفسه من كل شي بس عشان لايقصر علي
ليه تغير يااامنيره ؟!! ليه تغير ؟!!
منيره تنهدت : الفلوس تغير النفووس يااافرح تغيرهاا ... ادعيله ان الله يهديه
رفعت كفي ودموعي تجري على خدي : يااارب انت تعرف ان ماالناا غيره بهالدنيااا يااارب اهديه ورده لناا




شاهــــــــــــــــــــــــــــين
نزلنا من السياااره وسلمناا على العريس ودخلناا وجلسناا بين الضيووف
الصقر : شااهين وش فيك ؟!
قلت له : سلامتك مافيه شي
الصقر: شاهين احنا من طلعناا من البيت وان ساكت ولا فتحت فمك غير ايوا .. لا ... ماادري كأنك مسجل يعيد نفسه .. خير ياخوي
مااعرفت وش ارد عليه .. وش اقوله اللين اللحين صورت اختك مافارقت خياالي .. عمري مااشفت مره بكل هالزين ... ولا حتى كبريائها .. كلمتهاا لو يجي ويبووس رجلي !!! ياترى وش سوى لهاا ؟!! شنو هو جرمه الي اجرمه ..... التفت لصقر ... وتاملت شكله ..تشبهه .. خشمها الوااقف ... عيونهااا اللوزيه و عندها نفس حدة النظرة ... نظرة غاامضه تغرق فيهااا ...كانها بحر ماله اول من تالي ... اعوذ بالله من الشيطان الرجيم ... قسم بالله اني نذل اخوها جنبي واناا افكر فيهااا


فــــــــــــــــــــــــــــهد
كنت اشووف امي وابوي جالسين قبااال سرير حصه ومبين عليهم القلق ... رحت لهم
قلت لابوي : يبااا رح انت وامي ارتاااحووااا ترى هي مو حاسه بشي اللحين
ابوي : ليه سوت كذاا بنفسها ؟!!
قلت له : مارح نعرف الا يوم تصحى
شفت امي تمسح دموعهاا : فهد خذ حرمتك ورح بيتكم
نوال بسرعه : الله يهديك يااعمه وين نرووح انتي وعمي رحو ارتاحو لا تنسين عمي عنده ضغط ولا زم يرتاح وانا وفهد بنقعد هنا ولا رح نتحرك الا يوم تصحى
ابتسمت بامتناان وانا اشوف اهتمااام نوال بابوي وامي اللي سمعو كلاامهاا وراحو يرتااحون
زفرت من كل قلبي ...هالبنت وش فيها ؟!! ليه كذاا تسوي بنفسهاا ؟!! معقول تنتحر ؟!! حصه تنتحر ليش؟!!
ضميت راسي اللي احسه بينفجر من كثر ماافكر بين كفوفي وزفرت ... شفت ايد صغيره تربت على ركبتي رفعت راسي وشفت نوال جالسه على الارض وتطالعني
قلت لها باعتذار : تعبتك معااي ياانوال
نوال : افا عليك يافهد وش هالكلام انتم اهلي ان ماتعبت لكم لمنو بااتعب ..وبعدين انت لازم تحاول تتمااسك مو كويس عمي وعمتي يشوفك بذا الشكل
قلت لها : نوال تعرفين ان الجرح لو كااان اعرض شوي كان ذبحهااا
قالت لي : الحمدالله اننا لحقناهاا بالوقت المناااسب
ضحكت بسخريه ..يظهر ان الانتحار سمه مميزه لكم ياابنات عاايلتنااا
شفت وجه نوال تغير وندمت على كلمتي ..يظهر اني جرحتهاا من غير لاا احس
نوال : اجل لاازم تعيد عليهاا محاضرتك اللي عطيتني اياااهااا
قلت لها : اسف يااانوال ماااكااان قصدي اجرحك
سألتني تغير الموضوع : فهد وش هالجروح اللي على سااعدها ؟!! هي حاولت تنتحر قبل كذاا ؟
قلت لها : عمرها ماحاولت تنتحر ..
رجعت تستفسر: اجل هالجروح وش مصدرهاا ؟!
قلت لهاا : حصه عندهاا عااده من اخطر العادااات ...تعودت كل ماحست بالم كل ماتضايقت مااتبكي ولا شي
كل الي تسويه انهاا تأذي نفسهااا باي طريقه المهم ماتنزل دمعتهااا .. تعرفين انا بحياتي كلهاا معهاا ماشفتهاا تبكي الا مرتين والمرتين كلهاا كانت من تحت راس عقاب
سألتني : عقاب ؟!!
جاوبتهاا : المره الاولى يوم اخوك فسخ الخطبه والمره الثااانيه يوم جاناا خبر موته
نوال : بكيت عليه ؟!!
قلت لها : تصدقين بكت عليه يومتهاا بغيت اذبحهااا وانا اشوف دموعهاا عليه .. لانه مايستااهل ولا دمعه من عيونهااا تدرين يومتهااا قلت لهااا وانا احترق بدااخلي تبكين عليه بعد مااهانك ورماك رمي الكلاب تبكين عليه جاوبتني يومتهاا واذبحتني بالجواب قالت لي اول كنت اصبر نفسي واقول الاياام مصيره ترجعه لي