روايةأما غرام يشرح الصدر طاريه ولا صدووود وعمرنا ماعشقنا/15

أنسدح جنبها وهو يرفع الغطاء عليها..
تضايقت منه أكثر..
وهاوشته يطلع من الغرفة..
سلمان\لا تتعبي نفسك الغرفة ما باطلع منها إلا وانتي معي..
من اليوم مسكني معك..
والحين نامي يا قلب سلمان..

بعدت يدهـ عنها بجفاء..
وكانت بتصد لـ الجهة الثانية..
بس نغزة الألم البسيطة ذكرتها بصعوبة الحركة عليها...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

كلمت صوفي واللي طارت من فرحتها بسماع صوتها..
صوفي بمرح\هل آتى موسم الحج..؟؟
هديل\ههههههههههه لا ليس بعد..
صوفي بعتب\هل وقعت مشكلة ما..؟؟
هديل تبتسم\لا لم يحدث شيء..
صوفي\إذاً لماذا تتصلين بي..؟؟
هديل\لاني أشتقت إليك..
صوفي\ههههههههه كاااذبة..
هديل\حسناً سأقول الحقيقة..
غازي في إيطاليا ذهب ليتابع حالة ابني هناك..
إن إلتقيتي به لا تحكي له شيئاً عني او عن الطفل..هل فهمتي..؟؟
صوفي بإرتباك\اا.... هل هههههههههه كم أنتي مضحكة..
سأفعل بكل تأكيد..غداً ألتقيك بالدار..
هدي باستغراب\وجع مع من تتكلمين صوفي..؟؟
صوفي بهمس\أنا آسفة لقد أخبرته بكل شيء..
وأعطيته بعض اغراضك ليعيدها إليك..
هديل بصرخة\ماذا فعلتي..؟؟
صوفي بتبرير\قال لي بانكما حللتما الخلاف بينكما..
وأنك فهمتي مرض وولفي بشكل خاطىء..وانه سيكون بخير..
هديل\يا إلهي ألا تعلمين بانه أكثر رجال الارض كذباً وغدراً..؟؟
صوفي بقهر\هل تعنين بانه إحتال علي..؟؟
هديل\نعم أيتها المنمشة طويلة اللسان..
صوفي\سيندم ذاك المغرور..
هديل بغيض\أخبريني بكل ما قلته له..وإياك أن تنسي شيئاً..
صوفي بخوف\اممممم حسناً لا استطيع ذلك..
هديل\لماذا..هل فقدت القدرة على الكلام..؟؟
صوفي\بل لانه يجلس الآن أمامي..

قفلت الخط بوجه صوفي وقفلت جوالها..
ظلت تفكر فيه وتحاول تعرف وش اللي قالته له صوفي..
ماتبيه يعرف عن حياتها بدونه..
تبيه يظل مثل التايه..
بس إن كان عرف فهي ماتقدر تمحي شيء من ذاكرته..

بعد نص الليل بساعتين فتحت جوالها وارسلت له رسالة..
تطالبه فيها بإعادة اغراضها لصوفي..
خايفة يشوف أفلام الفديو..
هذيك ايام عاشتها هي وذياب بس..
هو ماله حق يشوفها ويعيشها ولو عن طريق افلام تذكارية..


وصلتها رسالة..
ولما قرتها صارت تهز راسها بالرفض..
ماهو هذا الرد اللي هي تبيه..
هذا يعني إنها فشلت بقهرهـ ومضايقته..
المفروض يكون كل تفكيره بولدهـ وعلاجه..
ورجع يفكر فيها مثل ما يبيها..
والمصيـــبة إنه صادق..
مانامت لأنها تفكر فيه...