ياطير

ياطير

ياطير

[IMG]http://dc07.***********/i/03669/iznx4s6ez0ef.gif[/IMG]

[IMG]http://dc04.***********/i/00599/etc1vsu2ww8x.jpg[/IMG]

يا طير حظك لا بغيت تطير ما اضناك المطير
تنطح صــــلافيح الهوى من هيبتك وتعوقها



وش لك بالارض العابسه والظلم والحظ االفقير
بيض الليالي رخت ارشــــــاها .. وقفت نوقها




مـــــــا فيك لا برقع ولا لك وكر ولا لك جرير
والله لو اني اياك لآشق الســــــحب وآفوقها



لا ضاق صدري .. رحت بلحالي وحثيت المسير
وان ضاق صدرك توكر بروس الجبال وفوقها



شامخ ولك هيبه .. ولك سطوه ولك عزم خطير
واليا نويت الصـــــيده الجزله .. قدرت تبوقها



اشبهك في غيك وغيك غير واحساسك عسير
بس اختلف وياك .. فالقدره وفي منطـــــوقها



لا جعت مالي غير مالي .. بين زادي والحصير
ولا انت مخلابك .. يقطع صــــيدتك وعروقها



يا ليت لي جنحانك اللي لو بغت وادي عسير
ما ردها منه سوى منشي السحب وبروقها



يا طير .. شفني والله اني من عنا الدنيا كسير
وكسرة جناح العزم .. ما تثنى الطموح بعوقها



سيف القهر مبطي وهو ما فارق اطراف الجفير
وانا علي مرفوق نفس ٍ خــــاطري .. مرفوقها



احاول اجمع ما بقى لي من امل .. باحساس غير
واكبح جموح النفس .. لو نفسي ذبحها شوقها




انا ادري اني مــــــــاني بحاكم بلد ولا أمير
لكن افوق الامراء بفكرها وبذوقها




أملك من الاحساس والقدره وتحديد المصير
مــــا يكفي انه يحل ازمات العرب ووثوقها




لكن حدود العقل والحريه وشوف البصير
كنها تقول الابتعاد احيان .. من منطوقها



ياليت مالي قلب يشعر ويتضايق ثم يغير
ما كان وجهي شحبته الاقنعه وطروقها



عيبي خلقت من الوفا بس الزمن ما فيه خير
مثلي مثل ناس ٍ تعيش وما توفي حقوقهــــا

المصدر: منتديات تراتيل شاعر - من قسم: ديوآن آلقصيد ▪●

---

dh'dv