رواية ورود الامل برائحه الالم روايه كامله/الاخيرة

ديم جت ركض وهي تنقز:أنا بعد أنا بعد الوليد طلع بها:لا أنا أبغاها بشغله العنود ميته إحراج:... أم الوليد مبتسمه ماعمرها شافت الوليد مبسوط مثل أيام زواجه:... فلـــــة ياســـــر ياسر:لمو وين كيس الرز؟؟ لمياء وهي تمشط شعر رزان بنتها(3 سنين):عندك ياسر وهي يدور:مافيه شي لمياء نزلت رزان من حضنها وراحت وشافت كيس الرز فوق الطاوله ، رفعته:هذا ايش؟؟ ياسر التفت وطق جبهته:يوه وأنا أدوره بالدرج لمياء:اللي ماخذ عقلك يتهنا به ياسر قرب منها:دايم أنانيه وفيه غيرك بياخذ عقلي لمياء بثقه:أكيد مو زوجتك ياسر:زوجتي لكن لي ثلاث أيام ما اجتمعت أنا وياها لمياء ضربته على خفيف:بكاش هذا مكتوب لكل بنت ياسر:هههههههه_رن جواله وطلعه_هذا عواد شكلهم عند الباب بسرعه اجهزي لمياء راحت تجهز وياسر رد على عواد فلـــــة مهنـــــد عبير وبطنها كبييير وحركتها بطيئه ، قالت بعناد:مالي شغل بأروح مهند يفهمها:عبور حبي انتي حامل مايصلح تروحين البر عبير ناظرته:مالي شغل أترك روحة البر وأجلس بالبيت مجنونه أنا!! مهند:بس انتي حامل وهذا شهرك عبير بعناد:ماابغى ماابغى بأروح_برجاء_هنودي خلني أروح_بدلع_أهون عليك تروح البر وتخليني وحدي مهند تنهد:لا طبعا مايهون علي عبير بحماس:أجل بأروح مهند:عنيده وعارفه نقطة ضعفي عبير باست خده:وأحبك مهند:يابنت اعقلي لأكنسل الطلعه بكبرها عبير:ههههههههه لا خلاص مهند مسك إيدها وقال بشاعريه:Thank you God to give me like this wife عبير ابتسمت وناظرت في عيونه بحب:يا بعد قلبي والله فلـــــة زيـــــد زيد واقف ورنا تسكر له أزارير قميصه زيد يناظر شعرها الحريري اللي قصته فكتوريا لحد أذنها (لوك جديد) يطيح على وجهها وتحرك راسها عشان يرجع ورا ، قال بابتسامه:يجنن شعرك رنا بعد ماسكرت أزاريره ابتعدت عنه وخللت شعرها بإيديها:خامس مره تقولها زيد قرب منها:لأنك تجنين رنا حطت إيدها على وجهه وإيدها الثانيه على وجهها(حركتها إذا استحت):أحرجتني ههههههههه زيد باس إيدها اللي وجهه وبعد عنها ورفع شنطة الرحلات:يلا تأخرنا رنا رفعت نواف النايم(8 شهور):يلا زيد مسك إيدها ونزلوا تحــــت أم العنـــــود تلعب مع فواز (5 سنين) اللي تموت عليه<<أكيد عشان اسمه فواز أبو العنـــــود جالس قدام اللاب بنظارته الطبيه زيد نزل مع رنا اللي شايله نواف:يبه ياحبك للشغل والتعب خلاص اترك الشغل شوي أبوالعنود وهو مندمج بشغله:أنا عندي حلال مو مثلك موظف وراتبي يجيني كل شهر زيد:الله وذا الحلال ، الوليد وعنده مليارات ومشاريع وأسهم وشركات عالميه ما انشغل مثلك أبوالعنود:الوليد معتمد على أسامه مدير أعماله لكن أنا ماعندي مدير أعمال رنا:خل زيد يصير مدير أعمالك زيد ناظرها:لا والله فاضي أنا أبوالعنود:أصلا أنا مابغى مدير أعمال أم العنود:شفت أنت اللي جايب الشقا بنفسك أبوالعنود:...(ما يقدر يجادلها ^_*) زيد أخذ فواز:ماغيرتي رايك يمه وتجين معانا