رواية ورود الامل برائحه الالم روايه كامله/2

غرورها معميها عبير دفت كتف أمها بخفه:بس الله عوضك أم الوليد:ايه الحمد الله عوضني بشيخه عبير:آفااااا الوليد:هههههههه لمي وجهك هههههه عبير:كذا ماما عاجبك خليتي برستيجي سلطه أم الوليد:هههههه الوليد:الا يمه جد بتوافق على عواد أم الوليد:ايه الله يهديها عبير شهقت:خيانه رؤى انخطبت ولا علمتوني الوليد:ههههه ايه خطبها عواد عبير تتذكر:اممممم عواد الزميجي صح؟؟ الوليد بالفصيح:هو بعينه عبير:وشلون بتعيش مع أهله الوليد:بكيفها خليها تتعود أم الوليد:والله اني خايفه تتطلق مره ثانيه بنتي وأعرفها عبير:أحسن خليها تتحمل نتايج قرارها :أوووووه خلصتي بكي التفتوا كلهم لرؤى اللي مشت لعبير وهي تتمخطر وتقول:خلصتي بكي ماشا الله من متى؟؟ عبير أكره ماعليها تبكي قدام أحد وقفت في وجهها:أي بكي اللي تتكلمين عنه شكل من كثر الفرحه بالخطوبه خلتك تخرفين!! رؤى ضحكت بطريقتها المغروره اللي تكرهها عبير:هههههه ضحكتيني صراحه المناحاه اللي فتحتها فوق في غرفتك قبل ماأطلع عبير عرفت وش تقصد لكنها جلست وحطت رجل على رجل:لالالا خلاص غسلت ايدي منك أكيد خرفتي الوليد قاطعهم بصوت مزمجر:رؤى انتي طالعه كذا للسوق رؤى خافت لكنها قالت ببرود:مايخصك الوليد لفها مع كتفها بخشونه وقال:الا يخصني رؤى مسكت كتفها:انت على بالك كل الناس مثل_أشرت على عبير_هذي الدفشه أنا أحس أم الوليد صرخت:خلاااااااااااااص كلهم سكتوا ونزلوا راسهم الا رؤى صدت بوجهها وكشرت أم الوليد:خلاص أطفال أنتوا أطفال تتهاوشون كذا الللي يشوفكم بيتوقعكم أعداء على الكره اللي شايله كل واحد على الثاني_وقفت ورتبت تنورتها الميدي_انتوا تكرهون الواحد في عيشته وطلعت لفوق رؤى تأففت بصوت عالي وطلعت لغرفتها والوليد ناظر عبير المتضايقه قام وجلس جنبها وقال بحنان:عبور ليش كنتي تبكين؟؟ عبير همست وواضح من صوتها انها ماسكها بكيها:الوليد الله يخليك مالي خلق أحد الوليد:ليش طيب أنا ولود.......... عبير وقفت وقاطعتها:الوليد كانك تعزني صدق خلني في حالي الوليد وقف ورفع أكتافه:براحتك ماراح أضغط عليك وطلع لغرفته عبير تأففت:حسبي الله عليك يارؤى كانك عله علي وطلعت لغرفتها ناموا أبطالنا واللي يحمل هم في صدره واللي مبسوط صباح جديد لمملكتنا الغاليه ولأبطالنا نروح لبطل من زمان عنه مهند العاشق صحى من نومه وهو يصرخ:لااااااااااااااااااااااا ناظر المكان اللي حوله وعرف انه كابوس خلل ايده في شعره:أعوذ بالله من الشيطان الرجيم..أعوذ بالله من الشيطان الرجيم قام للثلاجه وطلع علبه مويه وشرب منها ناظر الغرفه المكركبه:حسبي الله ونعم الوكيل على اللي كان السبب..الى متى وهالكوابيس بتظل معي تروش وبدل ملابسه وتعطر وخذ محفظته وجواله مفاتيحه ونزل حمد ربه ان أمه نايمه والا كان لزمت عليه يفطر شغل سيارته وللشركه ربع ساعه وهو في الشركه على مكتبه رفع السماعه:قهوه ساده يافوزي بسرعه سكر السماعه وبدا في الشغل ثواني وصلته قهوته صب له من الدله فنجان وبدا في شغله كان الجو هدوء ومهند مركز في شغله لدرجة انه عاقد حواجبه طق الباب اللي قطع هدوء الغرفه:طق..طق مهند:تفضل انفتح الباب رفع راسه مهند وسرعان ماابتسم لما شاف نايف ولد خالة الوليد[عرفتوه اللي نفسه في عبير] وقف:هلا..هلا والله تو مانور المكتب وسلم عليه بحراره نايف شخصيه اجتماعيه لأبعد درجه وقدريجذب مهند له لما شافه في ملكة الوليد مهند:هلا والله بنايف نايف:هلا بك مهند:تفضل نايف جلس:زاد فضلك مهند رفع الدله يصب:جيت في وقتك قهوه تعدل راسك ومد له الفنجان نايف خذا الفنجان:ولو اني مفطر بس ماني رادك مهند جلس ورا مكتبه:............ نايف ناظر المكتب:ماشا الله هذا مكتبك مهند:ايه هذا مكتبي اللي شيب براسي نايف:هههه أجل أنا بعد بشيب براسك مهند:أجل عميل في الشركه نايف:لا والله بس الشركه اللي أنا فيها بينها وبين شركتكم صفقه وأنا جاي أخلص أخر شحنه ومد له الملف مهند خذ الملف وفتحه:اممممممم لاشغلك مطول نايف:تكفى يامهند أنا فرحت لما شفتك خلص المعامله بسرعه مهند:ابشر ماطلبت شي نايف:هذا العشم فيك مهند مد له ايده:فنجانك نايف:لالا مشكور وماتقصر الحمد لله توني مفطر مع الوالده بس خلص معاملتي مهند:أوكي تعال معي للمخزن أجل عشان تشوف الشحنه البارت التاسع عند الوليد ماكان له نفس يروح للمستشفى عشان أكيد غيداء بتكون فيه عشان تطلب استقالتها اتصل في المستشفى واعتذر عن الحضور اليوم وسمحوا له وهو رجع يكمل نوم نرجع لمهند ونايف بعد مرور ساعتين في الشيل والحط والمناقشه قال مهند بعد تنهيده:الحمد لله كذا خلصنا نايف ابتسم له:مشكور والله يامهند تعبتك معي والله لو غيرك كان يومين عشان أخلص المعامله بس أنت ماشا الله عليك خلصتها في ساعتين مهند:حق واجب ماسوينا شي هذا واجبي وشغلي نايف مد ايده:يلا أجل لازم أروح على بال ماوصل الشحنه للشركه وأرجع أخذ لي شاور بعد هالتراب وأناااااااااااااااااااااااااام مهند:هههههههه صل أول بعد نام نايف ناظر ساعته:مابقى وقت أجل يلا مع السلامه مهند صافحه:يلا عاد لاتقطعنا نايف:ان شا الله مهند:أجل بكره العشا عندي نايف:والله كان ودي بس مرتبط مهند:خلاص أجل الخميس شرايك عشان نكون فاضين نايف:تم الخميس الخميس يلا مع السلامه مهند:مع السلامه وتفرقوا عند باب الشركه مهند رجع لشغله ونايف راح لشركته أذن الظهر قام الوليد وصلى ورجع من الصلاه وهو يستغفر دخل القصر وشاف أسامه طالع بسيارته ابتسم(أكيد شيخه وصلت)دخل القصر شاف عبير سألها بلهفه:وين شيخه؟؟ عبير:طلعت لغرفتها تنام الوليد:يا خساره كان ودي أشوفها عبير:خلها ترتاح والعصر لاحق عليها الوليد جلس في الصاله وعبير طلعت لغرفتها تجهز نفسها لليل الوليد طلع جواله وناظر تنهد وبدا يعد دروج المكتبه الكبيره:اتصل..مااتصل..اتصل..مااتصل..اتصل..مااتصل.. اتصل وقف عند أخر درج تأفف وبدا يعد الخداديات:أتصل..مااتصل.....الى ان وصل عند أخر وحده وطلعت اتصل رفع جواله واتصل خمس رنات ووصله صوتها الهادي:آلو الوليد تضايق وحس ان وده يسكر الخط بس قال:مساء الخير غيداء:مساء النور الوليد:كيفك؟؟ غيداء:الحمد لله أنت أخبارك؟؟ الوليد من ورا قلبه:من سمعت صوتك وأنا بخير غيداء بخجل:تسلم الوليد:.............. غيداء:.............. الوليد:اممممم أخبار خالد؟؟ غيداء:الحمد لله يسلم عليك الوليد:الله يسلمه_سكت شوي مايدري شيقول بعدها قال_شيوخ اختي جت من دبي غيداء:جد الحمد الله على السلامه الوليد:الله يسلمك غيداء:أنا قدمت استقالتي الوليد:يعني سويتي اللي في راسك غيداء:أحسن لي وأحسن لك الوليد:طيب وش ناويه تسوين ألحيين وقت فراغك غيداء:باخذ لي كورس ان شا الله بس للحين ماقررت وش أخذ فيه الوليد بسرعه:خذي مكياج العنود كانت داخله مكياج غيداء تضايقت شوي:................. الوليد:............... غيداء:.............. الوليد:أوكي أجل ماطول عليك مع السلامه غيداء بخيبة أمل:مع السلامه وسكرت منه كان ودها يطول أكثر فتحت اللاب وشغلت[السي دي]وهذي رابع مره تشغله تأملت صور الوليد على أنغام موسيقى رومانسيه هاديه وهي مبتسمه قرت الشعر اللي كاتبه الوليد فيها وهي بتطير من الفرحه ياماتمنت تتزوج شاعر يشعر ويتغزل فيها أذن العصر سوى الوليد تسجيل خروج وراح صلى ورجع من الصلاه سمع صوت شيخه تنادي أمها ركض لها شافها واقفه قدام الدرج الطويل ومعطيته ظهرها تأملها بالتنوره الحمرا القصيره لأول فخذها وتحتها كلون أسود شفاف على سيقانها الطويله مع بلوزه سودا بدون أكمام ومشجره أحمر وأبيض ورمادي تأمل شعرها الليل القصير واللي قاصته لحد اذنها وقطعه وحده ابتسم:شيوخ شيخه التفتت وصرخت:ولوووووووووووووووووود ركضت له وحضنته وهي تبكي الوليد حضنها بقوه وهو مشتاق لها مررره:الحمد الله على السلامه شيخه:الله يسلمك وحشتني الوليد:وانتي أكثر والله_بعدها عنه_حليانه شيخه بدلعها:هههههه وانت كمان الوليد:كمان من وين جبتي ذي؟؟ شيخه:ههههه من صديقتي وفاء حجازيه الوليد سحبها:تعالي معي مشت وراه ودخلت جناحه شيخه:واااااااو غيرت جناحك الوليد:ايه شرايك فيه؟؟ شيخه:يجنن الوليد:دخلت جناحك؟؟ شيخه:لا مقفل نمت في غرفة عبير الوليد ابتسم وفتح غرفة نومه سحب كيس من جنب السرير ومد لها:تفضلي شيخه سحبت الكيس وطلعت العلبه البيضاء لونها المفضل فتحت العلبه وطلعت فستان أبيض وبدون أكمام شفاف من عند البطن بلمعه ومخصر عى جسمها ويبدى يتوسع من أخر خصرها وفيه نفشه بسيطه وطبقات مثله صغيره وأطرافها وردي خفييييف والفستان لحد الفخذ ومعاه صندل أبيض ناعم وفيه وردي خفيف كان الفستان ناعم وهادي وكووول صرخت شيخه:يجننننننننننننننننننننن هذا لي الوليد ابتسم:ايه روحي جربيه شيخه دخلت عرفة الملابس وثواني وطلعت دارت على نفسها:شرايك؟؟ الوليد:روعه مره حلو عليك شيخه مشت لتسريحه حركت شعرها بدلع:يهببببل الوليد رن جواله رنه وقطع:أوكي يلا ننزل شيخه مسكت ايده ومشت معه:ياه عندي سوالف كثيره بأقولها لك الوليد:أجل الله يعيني شيخه:ههههههه وانقطعت ضحكتها لما شافت أنوار القصر مطفيه الوليد:تعالي نزلوا مع الدرج على أخر درجه اشتغلت الأنوار تدريجيا بشكل روعه بعدها بانت عبير وأم الوليد ورؤى واقفين قدام الطاوله عليها كيكه كبيره ناظرت شيخه الكيكه كان عليها صورتها وهي عمرها يومين بس ضحكت شيخه على الصوره:ههههههههه من وين جبتوا ذي؟؟ الوليد:عندي بدوا ياكلون ويسولفون الى ان اذن المغرب وبدوا الناس يجون وصديقات شيخه وكانت حفله مررررره روعه وخيال وانبسطت شيخه عليها في الحفله جلست شيخه بجنب عبير:عبور بسألك سؤال عبير:بدينا اسألي شيخه:امممممم_أشرت على لمى_من هذي؟؟ عبير ناظرت لمى وابتسمت:هذي لمى الشغاله السعوديه الجديده شيخه:ماشا الله مرررره حلوه عبير سحبتها:تعالي نروح لها عبير:لمى لمى التفتت وابتسمت:هلا عبور عبير أشرت على شيخه:هذي شيوخ أختي اللي حكيت لك عنها عبير مدت ايدها:هلا شيوخ شيخه مدت ايدها:هلا بك ماشا الله مرررره حلوه لمى:عيونك الحلوه شيخه:ماجبتي جديد لمى:هههههههه والله انك على أختك واثقه عبير:ياحظها كان انها طلعت علي شيخه:وعععععع ياشين الثقه على قل سنع عبير ضربتها:بنت طيحتي هيبتي لمى وشيخه:هههههههههه البارت العاشر في الليل بعد الحفله دخل الوليد القصر:السلاااااااام عليكم الكل:وعليكم السلام رؤى طلعت لفوق وهي مكشره الوليد تضايق مرره (مستحيل تصلح مع عواد) جلس بجنب شيخه ولف ايده على كتوفها:هاه كيف الحفله؟؟ شيخه:مرررره روعه جوا صديقاتي رنيم وسديم ووسن وشهد وأحلام وابتهال.......... الوليد:الله الله كل ذولا صديقات شيخه:ايه من زمااااااااان ماشفتهم لعبنا وأكلنا وانبسطنا الوليد:طيب ماتبين تنامين شيخه:الا والله فيني النوم بس أبي أسولف عبير مسكت راسها:ياالله ماتعبتي من الصبح وانتي تسولفين شيخه:بس باقي اشياء ماقلتها عبير:وش باقيحتى حمامك(الله يكرمكم) في المدرسه وصفتيه الوليد:ههههههههههه طالعه على جدتي تحب كثرة الحكي والبربره