رواية الزمن طبعه كذا روايه جديدة الجزء الخامس 2017

طلعت مع بسمــه على أساس أن اللي جاي السواق كانت متلثمــــه ولابسه نظـاره شمسـيه .. سالي أول ماشافت السياره عرفتهــا سيارة ياســــر تعرف رقمهــا .. ركبت بسمــه ورى وتوقعت سالي بتجلس معها على أساس ان اللي قدام الســواق بس سالـــــي خيبة ظنهـا يوم ركبت قدام وهي تقــول بالصــوت مــرح لياســـــر وهي تفصخ نظارتهــا :هاااااااي كيفك حبيبـــي يســوررري .. تصدق أن بسمــه ماقلت لي أنك اللي بالتجـــي وقالت عنك السواق ...
ياســــــر مارد عليهــــا لأنــه كان غرقان فبحـــــر عيونها كانت لابســـه عدسات خضراء تعــود علي عيــونها الســـود تذبحــه
واللحيــــن بالأخـضــر نسفتــــــه ...
سالي بميــوعـه مسكــت ذقن ياســــر بطـرف أصابعها ولفته عليهـا:يســـوري وش فيك أنا أكلمــك ..
ياســــــر انتبــه على عمــره وأنه للحيــن واقف حــرك السياره وهو يقــــول:أمــــري حبيبتــــي وش كنتي تقــولين ...
بسمـــــه طلعت عيــونها لاوالله أخــوها ماهو بالصاحــي لاعبتن فيــه هالسالي ...
سالي :يســوري شغــــل كاظم ...
ياســـــــر اللي ناسي عمــره وأنه المفروض يطلــع هيبــــــه قدام أختــه :ياعمـــــري كم مره قلت لك مأسمــــــع له ...
سالي بالزعل مصطنــع لفت تطالع على بــرى:ايه بس توقعتك وحاط يده من ورى كتــوفها :ياحليلــه سعــوود شكلــــه ماقصـرفيكبعد أول مادريـــت اني اسمــع له تصــيرتسمــــــع له مثـلي ...
ياســــر بحب صادق:طيب تأمــرين امـــــر بس لاتزعليــن ياعمــــــري ...
بسمــــه بقلبها ياويلـــــي عليك يأخــوي شكلك من صدق تحبــها وهالمغــروره تقص عليك بالدلعــها اصلاً هذي مستحيــــل تحب غير نفسهـــا وينك يمــه تشوفيـــن ولدك حبيبك اللي شاده فيـــه الظهــرطالع على حقيقته خيخــه ومع ميـــــن ألد أعدئك ساليــووه ...
وصلــوا البيت وقف ياســـر سيـــارته عنـــد الفلــه من قدام عشــان تنزل بسمـــــه ولف علـى البيت وقف عنــد بوابة الفلــــه الخلفيــــه ونزل هــو وسالي مع درج خاص للجنـــاحه أول مادخلـــوا فصخــت سالي عبـاتها ورمتها بأهمـــــال ومشت لين وقفــــت قدام أول مـريه صادفتــــها فصخــت جاكيتهــا وجلست تضبط تنــورتها على خصــرها وفكــت ربطت التــوب ورجعـــت تربطهــا على رقبتهــا كل هــذا وياســــــر يراقبهـــا واقف محلــه قدام الباب ومفهـــي ..
سالي أنتبهــت على حــركته بس ســوت نفسهـا مشغــوله بنفسهــا أكثـــر .. بحــركة دلع رجــعت سالي شعــرها اللي بــلون شوكـلاته علــى ورى وطالعــت بياســــر بطرف عينها :الأخ معجب ...
ياســــــر :معجب بـــــس الا هيمــان ..
سالي :ماقلت لـــي ايش رايك بلوكــي الجديد ...
ياســــــر اللي تحــرك ووقف وراها مبــاشـره :حلــــوه ياعمــري حـــلوه والمفــــــروض ماتسأليني أنا لأني بكـــــــل الأحــــوال أشوفك أحلـــــى الناس بعينـــي ...
سالي سوت نفسهــا زعــلانه:أدري تجاملنـــــي ماتوقعت منك هالرد ...
ياســـــر اللي أحـتار معهــا :سالي ياعمــري ياحيــــاتي مايحتــاج أمدحــك أنتي تدريـــــن انك أحلـــى من أي وصف ...
سالي ابتعدت عنـــه وراح تجلــس بكـرسي بعيـــد عنــه:لاااا مأصدقك للحيـــن أحــس كلامك فيـــــه مجاملــه ..
ياســـــربمكـــــر بيضيــع المــوضوع:أنا أجامـــــل ياليت أعـــرف..
وجاء يجلــس جنبهــا :كــل اللي أعرفهم يقــولون عنــــي دفش حتــى أسألي سعـــــود ...
سالي أبعدت عنـــه شــوي وهي تضحــك لأنه كان لاصق فيهــا ...
ومدت يدهـا تلمــس الكــدمه اللي بوجهـه :عــورتك يومهــا ...
ياســــــر مقهـــوررررر ماتوقع سعــــود يسويها ويخبـــر سالي أكيــد طاح من عينهــــا بعـــد مادرت باللي صــار صدق نذل هالسعـــود ...
سالي بالضحكــه تنرفز الواحد صدق :كل هذا تفكــر تعــورت ذاك اليــوم او لا مــع أني أحسه يـــوم لاينتســى ... امـــوت وأعرف كيف سعــود البريء قدر يضربك أنت ...
ياســـر بالسخريــه :كمليها أنا الوحـــــش صح ياقلبــــــــي...
سالي سكتت خافت ترد عليــــه رد وقح وأكيــد جزاتها بتكــون علقه محتــرمه
ماكنت تدري أن الخــوف وتردد اللي تحســه فيه كان واضح علــى وجهـــا وبنظــرة عيونهـــــا .. ماحســت الا بيد ياســـــر تضمها له :قولي اللي تبيـــــن ماراح أزعــل منك ... بس أمـــــوت ولا أشــوف هالنظــره بعيـــــونك ...
سمعـــوا دق علــى باب الجنــاح ...
ياســـــر قام واقف :قلت لهم يطلعــون غدانا فــوق ...
سالي :بس أنا مأبــي اكــل تعبانــه بالنــام ..
ياســـــر :عيــوني وترضينـها علي أنام جــوعان ..
سالي أنقهــرت منه ومن تلميحـاته :وليـــه تنام وأنت جــوعان والأكــل قدامك ..
ياســــر ضرب يده بجبهتــه :الغــداء ...
وفتح الباب وشاف الغــداء اللي كانت الخدامـــــه تاركتــه على الطــاولــه ...
دخل الطاولــه وحطها علــى جنب ... رفع راســـــه مالقى سالي :اووووووف شكلها سوت اللي براسهــا وراحــت تنام طقاق أنا جــــوعان أكـــل اللحيــن وهي خلها تنــام بجــوعها .....
خلص ياســر من الأكــل وطلــع الطــاوله فالسيب اللي نزل لبيت أهلــــه تحــت ... دخل غرفة النـــوم وشاف سالي نايمــــه على السرير بالعرض وبمــلابسهــا ...ياحيــاتي شكــلها صدق تعبـانه حتـــى ماغيرت ملابسهــا أكيــد ماكانت بالتنام بس النـــــوم غلبهـــــا .. عدل وضعهــا على السرير ولحفهــــا وطلــع من الغرفـــــه ,, مافيــه نــوم مع أنه متعــود يأخذ قيلولــه بس اليــــوم حالـــــه غيـــــر مومصــدق أن سالي رجعت له بعــد مافقد الأمـــل برجعتها بس سعـــــود مثل عادتــه طلع سبــــــع وقدها ورجعها له مثل ماوعـــده,,, سعـــود آآآه ياسعـــود ليه عنــدي أحســاس أنك مأنت دايم لـــي وبيجـــي اليوم اللي أحتاج لــك فيـــــه ومالقاك ........
حس بيد تنحط علـــى كتفـــه :ياســـــر ..
ياســر وهو يعــدل جلستـــه :هلا يبـــه أسف مأنتبهت لك ...
ابراهيم :ايه أشوفك ولا أنت هنـــا وش مشغل بالك ...
ياســـــر بالحرفنــــه لقى له المخــرج وجلس يناقش أبوه فواحد من مشــاريع الشركــه وكأنه كل تركيــزه فالشغل ولايفكــــر بالشي غيـــره ...
فاطمـــه اللي دخلت وراها وحده من الشغالات معــــها صينيــة الشاي :ياســـررغريبـــــه جالس الظهــر ...
أبراهيـــــم :أيه مأخذ عقلــه الشغل مثل مأخذ عقل أبوه من قبله ...
فاطمــه اللي مأعجبها هالرد :وش فيها مرتك ياحافظ ولامرت علينا تسلم ...
ياســـر بداخلــه بدينـــا:مافيهــا شي الله يسلمك بــــس تعبانه توها راجعه من الجــامعه والعصــر تنزل لك أن شاءالله ...
فاطمـــه :ايه عاد العصــر ضروري تنزل لأن فيــه حريم بيجــون يباركــون لهـا مأبيها تفضحنــي عنـدهم ...
ياســــر :لاوش دعـــوى تفضحك مره وحــده الله يحفظك سالي بنت ناس أجاويــد ماتقصــر ...
أبراهيــم :وأنا اشهـــد مع اني ماشفتها الا مــره وحده بس والله العالم أنها أجوديــه ..
ياسر أنبسط بمدح أبـــــوه لسالي بس فاطمــــــه مأعجبها كــلامــه عشان كذا ضيعت المــوضوع ...
×××××××××××××
اوووووف أسكـــت زيــن ياربي وش هالأزعاج ...
أنقلبت على الطــرف الثاني بس للحيــن الصوت فيـــــه دست راسهــا تحت المخــده عــشان تسكــت هالصــوت بس ماقدرت بالأخيــر استسلمــت وصحــــت ....
ياســــــر :مابغيتـــــي تصحيــن ..
سالي بقهــر وشوي وتصيح :اوووووف الله يغثك ياربــي فيني نــووم أنت ليه ماتحــس ...
ياســـــر (تجنن تهبـــــل تأخذ العقــــل يازينهــا وهي توها صاحيــه من النوم ومكشـــره بعـــد ):حــــاس فيك عيــوني بس خلاص اللحيــن ضروري تصحيــن نسيتي أن فيـــه ضيـوف بيجــون لك ...
سالي قفزت واقفــه على السرير :لااااااااا ليـــه توك تصحينـــي ياررربي وش اســـوي اللحيــــن ...
ياســــــرفاتح فمـــــه من الدهشـــــه اللحيـــن هو من الصبـــح جالس يصحيهـــا واللحيـــــن تلـــومــــه صدق الحـــريم ماينســـوى فيــهن معــروف ...
شافهــا تأخذ جــوالها وتتصـــل على أحد ...
سالي :ردي بالســــــــرعه ... أخيـــراً مابغيتـــــي ..
وهج :هــلا سالي والله نسيتك ...
سالي :لأنك سخيفــه ولافيــه احد ينســاني يالله اجهــزي ولاتنسيــن تجيبيــن هديل معــك طبعاً وشي أكيــد أمك ...
وهج :لاويــن أمي ماتوقع تجــي حتى عمتك ماعزمتها ...
سالي:يكفي أنا عازمتها يالله عاد قولي لها تجـــــي..
وهج :بحاول معها وامــري لله لأنها شكلها بتطلــع عندها مـوعد ..
سالي :وهج قلت لك أقنعيها موتجلسين تعذرين لهــا ... يالله مع الســـلامه .. وقفلت قبــــــل ماتقـول وهج أي شــــي تعرفها لازم تدور عذر لأمهـــا ..
كان ياســــر يضبط غتــرته قدام التسـريحــه شافهــا تطالع فيــه ومــن نظـرتها واضح أنها موناويــه على خيــر ...
ياســــر :قولي اللي عنــــدك لاتجلسين تطالعينــي كذا ...
سالي اللي أكتشفت أن يــاسر ماينفع فيه المعــاند ولاالتحــدي وأحســن شــي يمشــي معه الليـــونه ...
سالي بالزعـــل :اللحيــن أمك ليــه ماتعزم اختـــــي ..
ياســـــر (الله يهديك يمــــه يعنــي لازم هالحــركات أنا ماصدقت هالقمــر يرضــى علـــــي ):أكيد نســت ولاأمــي مستحيــل تعمــدها ...
سالي بدلع لفت راسهـا له:الا متعمدتها اصلاً أمك ماتحبنــــي ...
ياســـــر (اللهم طــولك ياروح ): احســــن لاتحبك يكفي أنا بــــس أحبك ...
سالي (ايه كثرلي منهــا بس أذا ماكرهتك بامك مأكــون سالي ):واضـــــح بالمــره والدليــل اللي كنت تســويه فينــي بالشقــــه ..
ياســــر بألم :سالي أرجــــوك صكيـه هالسيــــره هذي فتــره وأنتهت من حيــاتنا وأبيك تنسينها مثل مأنا نسيتها ..
سالي (على كيفه يبينــي انســاها ليـش فيــه أحد يقدر ينســى انه دخل الجحيم بالرجليــــه ):أن شاءالله تأمـــر حبيبــــــي ...
ياســــر درى أنها تمصخــر عليــه بس ماناقشـــها لف عنها وطلــــع ....
ســوت كل الحــركات اللي تدل علــــى أنها طفشــانه وضايقه مـره تلعب بالشعــرها تطالع بالمناكيــر على أظـافرها تهــز رجلهـــابكـل وقاحــه ..
يالناس افهمــوا ترى انا ملانـــــه من ســوالفكـــم ,,واعتقــد كل المــوجوديــن وصلتهم الرسالـــه ومأنقــذ المــوقف الا وصـــول وهج وامهــا ..أول ماسلمــوا على المــوجوديــن جت وهج بتجلــس بس سالي سحبتها معها وطلعتهــا ..
وهج بأستغـراب وهي تفك يدها من يد سالي :هااااو ووش بك طلعتينــا ...
سالي بقرف :أنا ماصدقت تجــون عشـان أطلــع من حكــرتهم ...
وهج :طيب ويــن بتودينــا ..
سالي :أمشي بالنطلــع فالحــديقه ماشفتها ...
وهج :أصلاً شكلك ماشفتي شــــي ..
سالي :معك حق يالله نطلـع من هنــا ... وينها هديــل ..
وهج:هدول بقت بــرى شافت بزران وراحـت تلعب معهم ...
سالي بعــد ماطلعوا وشافت البزران اللي تقصدهم وهج وشافت هــديل:ايه ذولا عيـال نجـاح أخت ياســر وسعـاد عمته ...
وهج :ايه نجاح اخته ماجلستي معها ...
سالي :والله هذا اللي ناقصنــــي ..
وهج :سالي يالخبلــه ليه طلعتــي كذا ...
سالي :اووووه ترى ماطلعت فالشـارع انا ...
وهج :ولو المكــان مو أمان يمكــن يدخـل أي أحد علينــا ...
سالي :لاتخافيــن ماراح يدخــل غيــر ياســر او أبـــوه اخــوانه واحد مســافر والثانــي مايجــي للبيت الا أيام الخميس والجمعــــه ..
وهج :اجل بتأخذين راحتــك ..
سالي :اصلاً أنا كنت باخذ راحتــي بكل الأحــوال ياحلـــوه ...
هــديل :خالتـــووووو سالي ..
سالي :توك جيتـــي يوم شبعتي لعب ...
هديـل :نزلي راسك ببوسك ...
سالي :أنقلعي مأبي لك بوسـات ..
هديل :انتي الخسرانــه ..
وسوت نفسهــا بتروح ..
سالي بالضحكــه :ياحــرآآآآم ماتعرفيــن تمثلين ..
هديل بصوت واطــي :خالتــوو لاتفشلينـــي قدامهم ..
سالي :وهذا اللي هامك .. ونزلت راسهــا لها :بوســه وحده ولاتكثريـــن ...
هديل باستها علـى خدها وراحــت تركـــــض تكمــل لعب ... كــل هذا صار تحت نظــر ياســـــر اللي كان واقف فبلكـــونة غرفتــه القديمـــه ويطـالع باللي تحـــت .. مقهـــــور حيل من سالي اللي طالعـه بالحديقــه بفستــان فيه انواع العــــري اصلاً هـــــو رافض أنها تلبس وتطلع فيــــه للحـــريم اللحيـــن طالع فيــه برى وبمكــان مكشـــوف يمكــن مين من كــان يشــوفها وبهالشكـــــــل هــذا اللي بيذبحـــــه ... من عرفهــا أنكتب عليــه التعب صح اللحيــــن الأمــور مستقــره مع أنها مارجــعت الا اليوم ومايقدر يحكم على وضعهم بهالســرعه
بــس كبدايــه تبشـــــر بخيـــر هذا أذا أستمــر الوضع على هالحــال ومارجـعت لسالي لتمـــردها وعنــادها اللــي مايقــدر يسكــت عليــه وتبــدأ المشـاكل من جديد ..
الفصـــــل الثانـــــي