رواية الزمن طبعه كذا

نايف:الا مت من شوووووقي لك...
وفي مكتب أبو ياسر بشركته....
ياسر:يبه أنا مدري وش المصلحه اللي تبيها من ترجيع علاقتنا مع بيت عمي..
أبوياسر:اللحين مو لازم تفهم بعدين بتفهم كل شي المهم اللحين سو اللي قلتلك عليه ..
وروح البيت عمك واعزم ناصر...
ياســـــر:يبه أسمحلي انامستحيل اسوي اللي تطلبه مني ...
أبو ياسر:وبعدين معك متى بتترك هالغرور عنك ...الغرور هذا ماينفع بعالم التجاره..
ياســر:يبه أنت ماتبغى أحد يعزم ناصر خلاص خل بندر يروحله البيت يعزمه مع أني ماشجع هالفكره....
أبوياســر:خلاص قول البندر مع أني كنت أفضل أنك أنت تروح....
ياســـر:وش الفرق رحت أنا أو راح بندر كلنا واحد ....
أبو ياسـر:بالنسبه لك واحد بس عندي يفرق...

جُنـى:خلاص أنا تعبت بنسحب ...
وهج:لاحرام عليك لاتخربين علينا كملي...
جُنـى:لاوالله تعبانه كملوا من دوني...
سالي:من زين لعبك كله سرحانه وبسببك مهزومين...
جُنـى وهي تأشرلهم من بعيد وبتدخل الصاله من الباب الخلفي:هاردلك ....
دخلت الصاله وعلى طول اتجهت للأمها بالمطبخ ...
جُنـى وهي واقفه على باب المطبخ :يمه ..
أم ناصر:هـلا نعم يمه..
جُنـى:يمـه ممكن أروح بكره معك لبيت جيرانا,,
أم ناصر:وأنتم من متى تروحون معي لبيت جيرانا,,
جُنـى:يمه بليز ضروري أروح معك ,,أنا نتفقه مع رحاب أجيها اشرحلها اشياء مو فاهمتها...
أم ناصر:أنتي تدرين أن ناصر مايرضى تروحون لبيت جيرانا وخاصه أن عندهم عيال كبار...
جُنـى بصوت حزين:يمه تكفين,,,
أم ناصر:خلاص بوافق وأمري على الله بس حطي بالك أنها مره وحده وبس...
...جُنـى كانت طوال المباراه وهي تفكر بحل للورطه اللي طاحت فيها ومالقت حل ألى أنها تدخل البيت من بابه بزياره عاديه وتروح للمكان اللي طاحت فيها وتبحث عن السلسال......
بعد ماعطتها أمها الضواء الأخضر راحت ركض للتلفون واتصل لرحاب اللي رفعته على طول فالبدايه سولفت معها عن المدرسه بعدين خبرتها بالمفاجئه..
رحاب:وااااااااااااااو مني مصدقه من جد تتكلمين ....
جُنـى: ليش مو مصدقتني عادي بكره تصدقيني اذا شفتيني جايتكم...
رحاب:الله وناسه بس ليه تخبريني من اللحين ..مانتظرتي تجين للمدرسه وتقوليلي ..
جُنـى:متحمسه مو قادره اصبر إلى بكره عشان أقولك ...


دخل فارس على رحاب وهي تقفل السماعه ...
جلس على بجنبها على نفس الكرسي بقوه ...
رحاب:هي أنت طيرتني ...
فارس:سوري ماكنت أتوقع أنك ريشه .,,من كنتي تكلمين ...
رحاب:مو شغلك..
فارس:مو شغلي هاه ,,,انا اوريك ...
طلع من جيبه ولاعه...وقعد يهددها أنه بيحرق شعرها...
رحاب:لايامجنون وش قاعد تسوي...
فارس:طيب اللحين برجع اسألك من كنتي تكلمين...
رحاب:كنت أكلم صديقتي...
فارس:أدري أنها صديقاتك أجل صديقك .,,,صديقتك هذي مالها أسم...
رحاب:الا بس مو قايلته ,,,
فارس وهو يشغل الولاعه ويقربها منها: اووووووووف ارجعت تعاند ..
رحاب:لاخلاص بقول اسمها بس ابعد هذي عني...
فارس وهو يقربها زياده :قووووووولي...
رحاب وهي تصرخ بخوف:جُنـى اسمها جُنـى...
فارس جلس لحضات يستوعب اللي انقال.. وبعد مستوعب ...
فارس :جُنـى هذي بنت جيرانا ..
رحاب اللي مستغربه كيف عرف وبنفس الوقت خايفه منه:ايه بنت جيرانا ...
بعد ماسمع كلامات التأكيد غرق فارس بأفكاره:أنا كنت حاب تمصخر على رحاب يوم سألتها عن أسم صديقتها ماكنت أبد ماتوقع أني بطلع من ورى هالتهديد بمعلومات خطيره زي كذا ...كل شي يتعلق فيها حصلت عليه أسمها وأسم عائلتها اللي أعرفه من قبل ..بس بقى رقمها... وسلسال اللي معي اللي اقدر أهددها فيه ...
وضحك ضحكه خوفت رحاب وخلتها تهرب من الصاله

بندر وهو ينزل من سيارته ويتجه للجرس الباب بيدقه ...
جاء ه صوت ناصر من وراه ...
ناصر:هــلا الطيب من بغيت ....
بندر وهو يلتفت لناصر اللي كان يصك باب سيارته :ابغى ناصر ...
ناصر :هلا والله وصلت..
واتجه يسلم عليه ...
ناصر وهو يفتح باب البيت:تفضل...
بندر كان يتأمل ملامح ناصر اللي فيه شبه طفيف من سامي ناصر اسمر بس وسيم مره
وطويل وعليه عرض يسد الباب لادخل معه...
وبعد مادخلوا المجلس ....
ناصر:للحضه بس أقولهم يسون قهوه ...
بندر:لاوالله مايحتاج أنا جايك أبغاك بموضوع وماشي..
ناصر:لاوالله مايصير تدخل بيتنا أول مره وماتقهوى...

وبعد القهوه ...
بندر:شكلك ماعرفتني...
ناصر:تبي الحق لا..
بندر:أنا بندر أبراهيم الـ........ ولد عمك..
تغير وجه ناصر بعد ماعرف إن اللي جالس قدامه واحدمن عيال ولد اللي حاول أنه يقطع علاقته فيهم ويبعد عائلته عنهم ونجح بس بالأونه الأخيره عمه يحاول يرجع العلاقه بينهم ....
بندر: معقوله سماعك اسمي يستحق كل هالتفكير...عموماً أنا جاي أعزمك نيابه عن أبوي للحضور للمزرعه كل العائله بتجتمع واتمنى أنكم تحضرون الكل بيكون سعيد بتواجدكم معنا ,,وبعد صمت دقائق :هاه وش قلت ...
ناصر:يصير خير واذا ماكنت مرتبط بحاول أجي...
بندر:مع أنه مو هذا الرد اللي أنتظره ..بس أوعدني تحاول تجي...
ناصر وهو يوقف مع بندر اللي وقف:أوعدك ياولد العم ........

نهــــــــاية الفصل الأول من الجزءالثالث
انتهى الفصل الأول من الجزء الثالث بوعد هل سيتحقق
هذا اللي بنعرفه بالفصل الثاني من الجزء الثالث....
الفصل الثاني)

*وفـــــــــي غرفة رحــــاب *
رحاب وهي توقف:عن أذنك جُنـىبروح أجيب شي نشربه...
جُنـى:أقول رحاب وش رايك نجلس بالحديقه اللحين الجو حلو...
رحاب:ووووووووع بالحديقه حر...
جُنـى:واللي يعافيك أبغى أجلس بالحديقه أحس أني مكتومه هنا...
رحاب اللي مستغربه من اصرارها بس جارتها:أوكي يالله ننزل للحديقه....
وبعد ماوصلوا للحديقه ...
رحاب:عن أذنك جُنـى بروح أجيب شي نشربه...
جُنـى اللي تبيها من الله:لامايحتاج مابينا هالرسميات ...
رحاب:ولو مايصير أول مره تدخلين بيتنا وماتشربين شي ...


جُنـى يوم أختفت رحاب عن عيونها راحت للحديقة الجوري اللي يفصلها عنها أشجار
قصيره حاولت أتمر من بينها بس ماقدرت...
جُنـى وهي تكلم نفسها:مو أنتي اللي بتخربين علي مخططي أنا اجزت كل العقابات
مو أنتي اللي بتوقفين بوجهي ... حاولت لين مرت من بينها بصعوبه لدرجة أن عباتها انشقت بس هي ماهتمت أهم شي اللي ضاع منها لازم يرجع...

وفي المطبخ ورحاب تجهز العصير والكيك دخل عليها فارس وهو متكشخ وبيطلع ...
فارس :رحاب بالمطبخ وش هالسنع اللي نزل عليك مره وحده...
رحاب اللي كانت مبسوطه بزيارة جُنـى :لاسنع ولاشي بس اليوم غير...
فارس اللي أخذ كأس عصير من اللي بصينيه:ولاشي اليوم غير...
رحاب اللي انقهرت من حركته وحطت كأس ثاني وتصب فيه عصير:لأن اليوم جُنـى زايرتني ...
فارس اللي عجبته السالفه وبدى يشك بسبب زيارتها:ليه هي متعوده تجيك ...
رحاب:لا... أول مره ماتشوفني مبسوطه...
فارس اللي جت فباله فكره خبيثه:وهي وين اللحين...
رحاب:بالحديقه ليه تسال...
فارس اللي يبغى يغير الموضوع:ووووع فيه أحد يجلس بالحديقه بهالحر...
رحاب:هي الي اصرت مو أنا ... وشالت الصينه بتطلع ...
فارس وبعد ماتأكدت شكوكه :أقول رحاب تعالي تعالي ...
رحاب وهي واقفه على الباب :اووووووووف وش عندك بعد...
فارس :روحي فوق وجيبي جوالي نسيته ...
رحاب :وليه ماترسل الشغاله تشوفني مشغوله...
فارس :تعرفيني ماحب الشغاله تدخل غرفتي...
رحاب :من متى أنشاءالله أول مره أسمع هالكلام منك...
فارس:من اليوم ويالله بسرعه جيبيه لي انتظره بالسياره بالكراج...