لو انك تسقيني الوصل ما ارتويتك

الوُصل , ارتويتك , تسقيني

لو انك تسقيني الوصل ما ارتويتك

البرد لهفة شوق والليل ساكن
وانا تشفقت اللقاء وأحتريتك

الله عطاني اياك وأصبحت واكن
على الله اني لا بغيتك لقيتك

مؤمن بما يكتب لي الله ولكن
بليت نفسي فيك عشق وبليتك

تغيب وعيوني عليك يتباكن
لو انك تسقيني الوصل ما ارتويتك

خليت حسرات الزمان يتراكن
بين الرجاء والياس ليتك وليتك

داويت جرح من قسى الوقت ماكن
والا فتعطيني ربع ما عطيتك

وخليت ناقلت الهروج يتحاكن
ومن كثر ما اجحد أحسبني نسيتك

ما شفت قلبي والعيون يتشاكن
أغير منهم من كثر ما هويتك

سريت لك مشتاق والليل داكن
يستر ظلامه وقفتي عند بيتك

تقول حبك بين الأضلاع راكن
وأقول هذا اللي ذبحني وجيتك

سمعتني محمد يغني (الأماكن)
وأسمعك (واحشني موت) وفديتك

لِ المميز ؛ حمدان الِمري .

المصدر: منتديات تراتيل شاعر - من قسم: ديوآن آلقصيد ▪●

---

g, hk; jsrdkd hg,wg lh hvj,dj; hg,Ewg hvj,dj; jsrdkd