انا طيرٍ فقد وسط السما سِـربه !

السلا , انا , سِـربه , فقد , وسط , طيرٍ

انا طيرٍ فقد وسط السما سِـربه !

تضيق الارض و تضيّق صدور الناس ،
انا طيرٍ فقد وسط السما سِـربه !

انا كن الفرح في دنيتي عسّاس !
يمر لحظات ، و يعوّد على دربه ..

و أنا اكثر بنت سرّاها لك الهوجاس ،
أجل و شلون لو راحت بها الغربه ؟

و تنشدني عن اخباري : ابد لا باس ،
احس القلب بـ ضلوعي وَنس ضربه

يلاعب خاطري صوتك مع النسناس ،
و ينعش روح شفقانه ، و تزهر به ..

انا شذنبي اذا قلبي معك حساس ؟
يبيك من السعه ، وشلون فـ الكُربه ؟

اذا اهديتك مقاطع اغنيه بـ احساس ،
ترى ماني بـ مرتاحه ، و منطربه ،

مع الجلّاس ما كني مع الجلاّس ،
جسد .. ما زان له زاده و لا شربه !

اخشْ الدمع بعيوني و اقول نْعاس ،
بعيدة عن وطن صدرك ، و مغتربه ..

المصدر: منتديات تراتيل شاعر - من قسم: ديوآن آلقصيد ▪●

---

hkh 'dvS tr] ,s' hgslh sAJvfi ! hgsgh hkh sAJvfi tr] ,s' 'dvS