05-22-2014, 05:58 AM
|
|
|
|
|
|
برياني دجاج لذيذ بالصور
المقادير:
4 طماطم مقطعه مكعبات "وسط"
3 بصلات شرايح
ثوم و زنجبيل مهروسين
زيت
رز
بهارات مشكله نحنا نسميه بزار
ليمون يابس
شوية قرفه - زعفران- (هيل ناعم + حبات) - مسمار
ماي ورد شوي
ملح و فلفل اسود( ناعم + حبات)
ديايه او ديايتين حسب عدد افراد البيت مقطعه لاربع قطع لكل ديايه
شوية زبدة
كمون لزينه
طريقه الحشوة:
نحط شوية زيت في الجدر نضيف البصل و نقليه لين يصير لونه بني
بعدين نضيف الطماطم + شوية ملح+ شوية بزار + بودرة هيل+ معجون الثوم و الزنجبيل
+ فلفل اسود ناعم + و نخلط و نتركه على جنب.
اذا حابين تضيفون جزر مبشور ممكن تضيفونه مع الحشوه ( اختياري)
طريقة الرز:
مع الرز نضيف ملح + عود او عودين قرفه + حبات هيل+مسمار+فلفل اسود حبوب
ما نخلي الرز يستوي بالكامل ما اعرف كيف اشرح
بعدين نحط الرز في مشخله و نكب الماي نضيف على الرز شوية زبده + زعفران + شوية ماي ورد.
طريقة الدياي:
نفور الدياي في ملح و ليمون يابس .. لكل ديايه حبة ليمون .. شوية بزار
لما ينشف الماي .. نقلي الدياي شوي عشان يتحمر
الطريقة النهائية:
اولا ناخذ نص مقدار الحشوه و نخليه على طرف ..نستخدم جدر الحشوه .. على الحشوه الباقيه في الجدر نضيف نص كمية الرز
+ و نحط الدياي+ بعدين الحشوه اللي خذناها على طرف نضيفها فوق الرز و الدياي نضيف الرز الباقي
فوقها و نزينه بورقات الكمون .. نسكر عليه .. نحط على الفرن هذاك الشي المدور الثقيل اللي حجمه كبير يسوون عليه الخبز نحطه على الغاز
و نحط فوقه الجدر .. و نوطي على النار .. نخليه مدة عشر دقايق.
الهدف ان ما نحط الجدر على النار على طول حتى لو وطينا النار
ان الحشوه اللي في قاعت الجدر ما تحترق
|
fvdhkd ][h[ g`d` fhgw,v fhgw,v fvdhkd
ياجمالك وجمال ابداعك حكايه عشق   ثـقـل مــيزانــك سبحان اللَّهِ وَبِحَمْدِهِ عَدَدَ خَلْقِهِ وَرِضَا نَفْسِهِ وَزِنَةَ عَرْشِهِ وَمِدَادَ كَلِمَاتِهِ
|
تعليمات المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
كود HTML معطلة
|
|
|
الساعة الآن 07:24 PM
|
عضويتي 
العرض الشجري