كوباية تفاؤل مليانة امل

مليانة , الم , تفاؤل , كوباية

كوباية تفاؤل مليانة امل

	عاوز تحس بيومك ويومك يكون جميل محتاج كوباية تفاؤل يوميا مع تلت معالق امل وشوية سعادة من فوق مع حبة فرح وابتسامة يومك هيكمل وهو اجمل يوم وكل يوم افيد من اللي قبله ان شاء الله .. جرعة امل وتفاؤل الصبح .. - لو صحيت وحسيت انك متضايق افتكر علطول جرعة التفاؤل اول ماتحس بضيق اذكر ربك دايما هتحس براحة بعدها صدقني .. ما توقفش من احلامك احلامك ملهاش نهاية احلامك الي مالا نهاية امل سموها احلام ليه .. بس الاحلام مش هتفضل احلام لازم تبقي حقيقة اعمل ع تحقيقها ابدء في تحقيقها وافضل احلم دايما .. الاحلام مهياش بفلوس اصلها .. - ثق في نفسك وقدراتك ومتحطش نفسك في مقارنة مع حد لانك احسن من اي حد انت احسن انسان في الدنيا متقولش ده احسن مني وده شوف عامل ازاي وانا عامل ازاي وتبدء تيئس من نفسك اوعي تعمل كده .. ربنا سبحانه وتعالي ميز كل واحد فينا بميزة انت عندك ميزة وفيك حاجة انت احسن فيها من اي حد في الدنيا بس انت دور عليها ولاقيها ممكن تكون مميز في الرسم الشعر الكتابة الرياضة الاختراع خفة الدم و و و حاجات كتير جدا انت دور ع ميزتك هتلاقيها وابدء بتحقيق حلمك وفيد الناس بيها .. لان ربك اعطاك الميزة دي عشان تفيد الناس فانت يلا حاول تساعد وتفيد الناس بميزتك ع قد ماتقدر ومتيأسش من نفسك ابدا وخليك دايما مبتسم خليك دايما متفائل .. - حب نفسك لانك بجد تستحق الحب ده .. حب نفسك واوعي في يوم تكره نفسك او تهمل نفسك .. حب نفسك وحب اخواتك حب اصحابك حب عيلتك حب قرايبك حب الناس خليك دايما مصدر الحب للناس بتحمل الحب للناس كلها .. اوعي تكره حد .. هقولك حاجة الدنيا اساسا مش مستاهلة انك تكره حد او تضايق من حد عيش الدنيا في سعادة وفرحة وتفاؤل وحب للناس كلها .. - السعادة جواك دور ع السعادة جوه نفسك وطلعها عشان تفرح وتفرح غيرك خليك دايما ماشي بهدف انك تفرح غيرك وتكون سبب في فرحة غيرك .. لانك لما تفَرح غيرك هتحس بفرحة كبيرة اوي ادعي وقول ياارب اجعلني سبب في فرحة حد .. ياارب - صلاتك .. هتحس بيومك الجميل وهتحس بحياتك انها اجمل لما تحافظ ع صلاتك ودينك صلي صلاتك في وقتها ومتأخرهاش هتلاقي نفسك مرتاح وهتحس باجمل راحة عارف ليه عشان ربنا راضي عنك يااه لما ربك يرضي عنك هتلاقي حياتك جميلة وهتلاقي نفسك فرحان دايما ومبسوط ربنا بيفرحك دايما .. - انشر التفاؤل والسعادة وانت ماشي .. خلي كلامك مع الناس كله تفاؤل وايجابية بلاش الكلام السلبي المحبط ده .. اوعي تقول كلام محبط لحد .. ممكن كلامك ده يوقفه عن تحقيق حلمه يقلل ثقته في نفسه .. خليك دايما بتوزع تفاؤل ع الناس .. عاوز تحس بالسعادة .. هتلاقيها في لمة مع صحابك .. بكلمة حلوة من جارك .. هتلاقيها في مجلة ميكي تقراها تفتكر الطفولة وياها .. هتلاقيها في طفل متعرفوش بيضحك في وشك .. هتلاقيها في كلامك مع اختك .. هتلاقيها في شوكولاتة بتاكلها .. هتلاقيها في هدية حلوة بتجبها .. هتلاقيها في وش ست عجوزة بتضحكلك .. هتلاقيها وانت قاعد بتلعب مع بنتك .. هتلاقيها والعيلة ملمومة ع السفرة .. هتلاقيها وانت قاعد مع مراتك اللي هي حبيبتك .. هتلاقيها في حاجات كتير جنب منك بس انت دور عليها .. هتلقاها جوه نفسك .. السعادة جواك .. جرعة التفاؤل دي امشي بيها دايما .. اعمل كل اللي مكتوب فيها .. هتلاقي حياتك اتغيرت للاحسن هتفيد غيرك وهتفيد بلدك .. هتفيد نفسك .. هتحس بالسعادة اللي بجد .. ساعد الناس دايما هتحس بمتعة غريبة هي متعة عمل الخير ومساعدة الناس المتعة دي فيها سعادة لاتقدر بثمن لما تكون سبب في مساعدة طفل او مساعدة راجل كبير .. ثق في نفسك وقدراتك .. ثق في حلمك انت قادر ع تحقيقه .. ثق في ربك ربك كريم ربك حليم خلي ظنك في سندك جميل .. خليك متفائل وانشر التفاؤل دايما .. صلاتك هي حياتك .. حافظ عليها .. ساعد غيرك .. ساعد الناس .. ابتسم دايما .. بكرة احلي ان شاء الله.. بلدك بكرة احسن بيك وبحلمك وهدفك .. بس كده .. تفائلو يابشر

المصدر: منتديات تراتيل شاعر - من قسم: [ عآلم آلنجآح وتطوير آلذآت▪●

---

;,fhdm jthcg lgdhkm hlg hgl jthcg