تعالي ودي آضمك || بقلمي ||

أضمك , تعالى , بقلمي , نجد

تعالي ودي آضمك || بقلمي ||

تعالي ودي أضمك تحت رش المطر تعبان عليك الروح ولهانة وشفقانة وشوقي نار تعالي لـملميني في دفاء حضنك أنا بردان أبا أتبعثر على صدرك قصيد وشاعرن منهار تعالي نسبق أسراب الحنين ولـهفة الولـهان تعالي وأشعلي ليل الظلام ودفتر الأشعار تعالي نشرب عيون السحاب ونروي الضميان تعالي نكحل عيون الغياب وغربة الأسفار تعالي وأسرجي ليل القصيد وثورة الأشجان معك تـحلى مشاوير السهر لو طوّل المشوار تعالي نوقد شـمـوع الغرام ونطفي الحرمان بترجم لك مدى شوقي مشاعر وأشعل الأنوار تعالي وانثري ورد الكلام يعطّر الشريان يعانق مسمعك هـمس الـخفوق وبـحّة القيتار تعالي واسكبي عطر الغلا يا وردة التحنان تسامي واخذي القلب ومداهيل الحنايا دار تعالي دوزنيني فوق خصرك واعزفي بإتقان وغنيني على صوتك حبيب وفارسن مغوار تعالي وضيعيني في عيونك يا ملاك أزمان أبا أدفن ماضي جروحي على تربة لقاك أعذار وأبا أرسم من تناهيدك قلوبن عاشقة و أوطان وأبا أتـوه بـمتاهاتك وأعيشك حب مهما صار نبي نـخلق من أنسام المطر ورد وعطر فتان ونبي نكتب بلون البرق أحاديث العيون أسرار ونبي نرقص على صوت الرعد وإحساسنا طربان ونبي نعزف ترانيم الـهـوى ونداعب الأزهار وعلى صدر السماء نرسم حياة ومملكة إنسان عسى أنفاس الهوى تنثر مشاعرنا عطر وأمطار ومن كأس الهوى نشرب جنون وعاطفة بإدمان ونثمل وانتناثر عشـق وهيـام وولـه وأشعـار أنا من قبل أعرفك عيشتي هم ونكد وأحزان وحيـد تضمنـي غربة وتهـدينـي الـحيـاة غبـار غريب ومـا معي غير الـجـروح وضـايع وحيران وحيد أسهر على ليل القصيد وهاجس الأفكار يسامرني شريط الذاكـرة لا نامـوا الـخـلاّن وتعزفني رياح الـحزن لـجروح الزمن تذكار وجيتـي والقـدر جابك وحبّيت الـحياة الآن بعد ما كنت في سجن العذاب أصارع الأسوار وقفتـي واحتضنتي عالـمـي والعمر جنبك زان ولا حسّيت فيك إلا بعـد شفتك عليّ تغـار أحس إني معاك أحلم ولـو نوـر الـحقيقة بان قسم بالله ما أبغى أصحى من أحلامي مدى الأعمار مدامك صرتي لـروحـي حيـاة وللفـرح عنـوان أبي أنسى معك مـاضي حياتي والـهـوى الغدار وأبيك تكوني بقربي سحـابة غيمها هتان تـداعبنـي نسايـمها ودائـم تلفت الأنـظــار وأبا أهديك العمر كله فدى قلبك وفاء وآمان وأنا طالبك لا تـخلّيني إن مال الزمـان وجار أبيك تكوني بقلبي تغذّينه مدى الأزمـان ولك مني عهد جنبك لــ أكمّل باقي المشوار :: سبق النشر :: كلمآت الشاعر: {{ خالد القصيّري }}

المصدر: منتديات تراتيل شاعر - من قسم: ديوآن آلقصيد ▪●

---

juhgd ,]d Nql; || frgld Hql; juhgn frgld