عجاج الذكريات !

الذكريات , عداد

عجاج الذكريات !

لين القلم .. يطلق سراح القصيده
خذت الورق في حضني البارح : ونمت !

في ليلةٍ ظلما .. تجَمّع : وحيده
في زحمةٍ وِحده .. عليها : تقسّمت !

غرفه .. وجدران .. وقصاصة جريده
وآخر بقايا خُبزة اللوم .. والشمت !

اروح للماضي .. وازفّه .. واعيده
من وين مـ القاني لحالي : تندّمت !

فيني أسف غضبان .. خوفه : وليده
رعشة جسد بردان : في بُردته حَمت !

شاعر : على وجهي منابت جديده
كل مـ اعشبَت في عبرتي : خيّم الصمت !

في ركن : تنقصْه الحياه الرغيده
ثارت عجاج الذكريات .. وتلثّمت !

أشوف في وجه أمي حزن طال : عيده
كل مـ انشِدَت عن حزن وجهي : تبسّمت !

فيني ظما لأبوي وأسرار بِيده
حدّتني الدنيا لـ عيني : وعلّمت !

لو هو ترك باقي ثرى من شديده
ماكنت في رمل الأماني .. تيمَمّت !

يـ البال : مامنّي سهر .. تستفيده
طاح الرطب من نخلة أيامي : وقمت !

ارعى بكار النفس .. لو هي بعيده
لآ درهمت منّي على البال : درهمت !

صديقي : المُطلِـق من الحب : قيده
ليتك من أحلامي البسيطه .. تيتّمت !

مالي على دِين العواذل : عقيده
سِلمت من بعض المشاريه .. وأسلمت !

أحيان : لا دقّت حصاتي : حديده
تلمع نحاسة عيني : بـ عيني .. وهمت !

أغيب عن بالي .. لـ صبرٍ يزيده
وأقول يا بال الندم .. شوفني : شمت !

شوارعٍ تمشي على البرْد : سِيده
ياما تحت جمرة دفاها .. تشيّمت !

أحطب شجر ليل الظروف العنيده
واشبّ من جمر المشاعر : ليا اظلمت !

ينقص من ظلالي .. سنا : يوم ازيده
انشهد إنّي : من ظلالي .. تعلّمت !

أخذ معك حزني .. لـ فرصه سعيده
يمكنّي : بعمر الشوارع .. تقدّمت !

لـ شاعرها :
فيصل المهلكي ..

المصدر: منتديات تراتيل شاعر - من قسم: ديوآن آلقصيد ▪●

---

u[h[ hg`;vdhj !