انا الذي من كثرة الطيبه أمَّـنْـت

أمَّـنْـت , الذى , الطيبه , كثرة

انا الذي من كثرة الطيبه أمَّـنْـت

هذا أنا ثابت و رجلي ثقيلة،،،
وإن لانوا فحول الرجاجيل ما لِنت

من فضل ربي و الهقاوي جزيله،،،
وانا بكل اللي كتب ربي أمنت

وأمنت بإن أهل النفوس الجميلة،،،
لو شنت بعيون العدى عندهم زنت

وأمنت بإن أهل النفوس العليله،،،
مهما تزين بنظرة عيونهم شنت

وأمنت بإن أهل اليدين البخيله،،،
تقول مخلوقه يديهم من إسمنت

وأمنت بإن أهل العطا و الفضيله،،،
يرقون بك كانك على الحق بينت

وإن الوفا طبع القلوب الأصيله،،،
ولونك يبي يغلبك مهما تلونت

إلا أنت ياللي خونتك مستحيله،،،
كنت أعتقد لو خانوا الناس ما خنت

لا تحسب إنك جبتها لي بحيله،،،
أنا الذي من كثرة الطيبه أمَّـنْـت

لا تفتخر بطعونك الـ لا نبيله،،،
حتى أنت ما تقدر لو إن انت ما منت

طعن الظهر للمنطعن مو فشيله،،،
فشيلة الطعنه تراها عليك أنت

المصدر: منتديات تراتيل شاعر - من قسم: ديوآن آلقصيد ▪●

---

hkh hg`d lk ;evm hg'dfi HlQ~JkXJj hg`n hg'dfi