هذا أنا

هذا أنا

لاتسئليني عن سبب ضيقـة البـال
مبطي وانا ماذقت طعـم السعـاده


ظروف خلت حالتي ماهـي بحـال
كافحـت ليمـا مابقـت بـي إراده


بنيت لي في عالـم الصبـر تمثـال
وباد الزمن تمثـال صبـري إبـاده


حاولت اوسع خاطري بلعب الاطفال
وكل ماسليت شوي ضاقـت زيـاده


لو المشاكل حلها الدمـع لا سـال
استغفر الله .. صار دمعـي عبـاده


لبكي بكا .. ضيقه ولوعه وغربـال
مابكي بكا .. خوف ٍ وذل وشـراده


يابنت .. وديار البدو عشب ورمـال
ومسرى بليا شـور كلـه جهـاده


وانا سريت بـوادي ٍ فوقـه جبـال
الحر ماشاف الشبـك يـوم صـاده


فيني بدوي طبعه ورى الخير رحال
اكثر مقيمه فـوق مركـب شـداده


يشد وينـزل كـل فتـره بمنـزال
قربه صعب جـدا وسهـل ابتعـاده


ان قال فرقا .. ماتراجع اليـا قـال
ماتقـدر الدنيـا تكسـر عـنـاده


فينا الولد .. يسوا ثمانيـن رجـال
فينا الكرم .. خلقه وسنـه وعـاده


وبالعشق اخذت اللي مواصيفها ثقال
في زينها ماهـي بحاجـة شهـاده


حبيبتـي .. مازينوهـا بسلـسـال
من زود ماتبـرق تضيـع القـلاده


اسود شعرها .. للبست فوقه الشال
الشال الاسود .. ينصدم من سـواده


ارجولها خلخال .. من دون خلخال
خلقتها لفت انظار .. ماهي عمـاده


لو نفترض مرت على شارع الجال
فاض البحر يشكـي عليهـا وداده


الارض تهتز حدرهـا هـز زلـزال
زلزالهاتعشـق حـدوثـه بــلاده


فيها الحلا .. عايل على كلها عـال
ان سولفت بالليـل انسـى رقـاده


بس المصيبه حظك الشين لا مـال
اليـارقـد يابـعـد والله قـعـاده


وانا مع حظي .. بعض ناس عـذال
زادوا علي .. مـن النكـاده نكـاده


صحيح انا عايش .. ولو الحزن طال
الحمـد لله والشكـر والشـهـاده


الفضل لله .. عزني بكـل الاحـوال
ماذلنـي بحاجـه تشمـت إعبـاده


مير البلا ضيقات الـوان واشكـال
لاجن خلنـي طريـح الوسـاده


هذ انا . ياناشدتنـي عـن الحـال
من كثر ضيقاتي نسيت السعـاده

المصدر: منتديات تراتيل شاعر - من قسم: ديوآن آلقصيد ▪●

---

i`h Hkh