فديت اللي يعاتب غيبـتي ويغير

اللي , يعاتب , غيبـتي , فديت , ويعير

فديت اللي يعاتب غيبـتي ويغير

فديت اللي يعاتب غيبـتي ويغـِـيــر ..
ازعّـل كل من حولي عشان رضاه ..
،،
يخاصمني ويهجرني .. وأقول يصير ..
مدامه ينبـــض بقلبـــــــي فداه فداه ..
،،
أحبّـه من خيـــــال ن ينتشي ويطير ..
وأسافر في بحـــر شِعـــري أنا ويّـاه ..
،،
أحبّه .. والمحبـــّـة في خفوقي غيــــر ..
أحبّه .. من حدود العشق لين أقصاه ..
،،
أحبـّه .. أكثر من الحب والتقدير ..
غرام ن لا ذِبـــــح عاشق ولا أشقاه ..
،،
أنا مغرم ..أنا هايم .. وشوقي طير ..
يــحلّــق في سمــــــــاء جــوّه ليا نــــاداه ..
،،
كلامــــــه لا سمعته صـــــابني تأثيـــــر ..
شعــــور اقــرب كأني ما أبي فرقـــــاه ..
،،
كأنـــــه غيـمـــة ن هلّت عليّ بالخيــــر ..
عطتني مـــــن غـلاهـــــا شَي مـ ألقاه ..
،،
كثير أمـــــــوت في حبّـــــه كثير كثير ..
وأنا مالي بهـ الدنيـــــــا سوى دنياه ..
،،
أبسرف بالعطاء وان قيل لي تبذير ..
يكفّيني حنــانـــه اشربــه واضـــمـــــاه ..
،،
و أبـهديه القمر وان كان به تقصيـر ..
أسوق النجـّــــم لعيونــه إذا يـبغـــاه ..
،،
تدلل واطلب عيوني بلا تفكيــــر ..
عساها للعمى عين ن نِـوت تعصــاه ..
،،
يضيع الوصف من رسمه مع التعبير ..
يـحيــّرني حـــــلاها كِثــر مــا أقراه ..
،،
تصوّرته .. وزينه فـاق للتـّـصوير ..
تـمنّيته .. ولا شَي غيـــــره أتمناه ..
،،
مثل فجر الشتاء قاسي ولكن غير ..
وإذا بـرده غشاني قلت مـ أدفـــاه ..
،،
كأني الشمس .. وانتي زهرة النوّير ..
تميـّـزنا عـــــن العـــــالم وما نــِخشــــاه ..
،،
عســــى الله لا يجيب البِـعد والتغيير ..
ولا يحرم عيـــوني ضحكتـــــه وحِكاه ..
،،
أبد مــــا ضامني يومـــــه عليّ يــغِـير ..
ولا هـــانت بي دمــــوعه ولا أقــــواه ..
،،
أبيه يحبّني أكثــــر .. وأبيه يصيـــر ..
كِـثـــر مـــا أنـــا أحبّه واعشقه وأهواه ..

المصدر: منتديات تراتيل شاعر - من قسم: ديوآن آلقصيد ▪●

---

t]dj hggd duhjf ydfJjd ,dydv duhjf ydfJjd t]dj