تدري وش الي يتعب البنت ياخوي

البنت , بيري , دايود , يبعث

تدري وش الي يتعب البنت ياخوي

تدري وش الي يتعب البنت ياخوي

رجلٍ يخون اشواقها و المودة

إلي إلا احتاج الغلا صار نمرود

وليا شبع مما عطاه إسترده

البنت ريحانة غلا ... ناعمة عود

تبي لها رجلٍ ورث طيب جده

رجلٍ فعولة كلها جود في جود

ما يلتفت للي كفوفه تمده ...!!

رجلٍ إلا جته اليالي بمنقود

يتكى لها ما بيح الوقت سده

مهوب نذلٍ ما رعى للهوى عهود

وادناة ما عارض طريقه يرده

ولاهوب لاعلة ... ولاهوب ملهود

ولا شكوك ... و كلٍ طارئٍ يحده

ما اشين من الرجال لا جاك برود

وإن قال له ترف القدم شي صده

تبي لها براق طيبٍ له رعود

إن اجدبت يمطر على ريف خده

وإن نادته تكفى لقت عنده الفود

يشيل عزتها على قو زنده

كفه نفل ... وانفاس صدره لها عود

وظلاله الضافي بيدها تمده

البنت خد ... وقد ... ونواظرٍ سود

وريحة غلاً ... ياسعد من شم نده

البنت إلا ضحكت ثمرها لك ورود

يا خوي من يقطف نواوير وردة

والي يهين البنت ناقص ... ومقرود

فرس غلا ... ماهي ****ة مكده

المصدر: منتديات تراتيل شاعر - من قسم: ديوآن آلقصيد ▪●

---

j]vd ,a hgd djuf hgfkj dho,d fdvd ]hd,]