ريح المطر

المطر

ريح المطر

‏ الشاعر الكبير : سداح

.
..




تعطّر قلبي بريح المطر واستقبل الهتّان
‏يغني للمطر نبضه .. وانا واقف على بابك

‏الوّح لك وفِي راحة كفوفي ينبت الريحان
‏عساه يجيبك الريحان دام الشوق ما جابك

‏تعال وبلّغ عيونك تسولف بالفم المليان
ياحلو السالفه حلواه لاجتني من اهدابك

‏عطاك الله نظرة ناطقة تحكي بدون لسان
‏تعلّمني وانا أدرَى بالعيون الخرس وأدرَى بك

‏انا ما املك عصى موسى ولا املك خاتم سليمان
‏عسى ما يبطل السحر الحلال بسبّة غيابك

‏احبّك وافقدك واعتب عليك وخاطرك لاهان
‏ما ودي يلمسه شي ٍ يحسّه من ورا عتابك

‏ اشيل البرد بضلوعي ولو ما قلت لك بردان
‏اغنّي لك وصوتي يرتعش يوم أتغنّى بك
‏
‏قصيدة حبّ كاتبها على قاف وبحر حرمان
‏ وزنها الشوق لعيونك عساها تكسب إعجابك

‏تحلّق بسمك وتكفح معانيها بلا جنحان
‏تصفّحها لا تمنعها تحط بصفحة كتابك

‏لا تتركها تحت جنح الهجير تجاذب الالحان
‏تهيم بكل وادي .. ودّها تبدي بمرقابك

‏تفارقنا وكنّا ما نواطن طاري الهجران
‏بقت ذكراك تكتب لي كلام ٍ عنك متشابك

‏يراودني على شوفك وله ما يقبل الكتمان
‏لو انه يفهم ظروفك قبل لا تشرح اسبابك

‏يا قلبي والغلا ماله قوانين وحقوق إنسان
‏لا تنشدني عن حقوقك بعد ضاعت مع أحبابك

المصدر: منتديات تراتيل شاعر - من قسم: ديوآن آلقصيد ▪●

---

vdp hgl'v