يشتاق لك قلبي شرايين وعروق

يشتاق , شرايين , وعروق , قلبي

يشتاق لك قلبي شرايين وعروق

قصايـدي فـي وسطهـا ينبض الشوق
مـن يـوم ما شـح الزمـان وفقدتــك
يشتـاق لـك قلبـي شراييـن وعـروق
لـو جيت تشـرح لي غيابـك عذرتــك
محـروقْ مـن بعـد المسافـات محـروق
يا حــر قلبـي لا سهــرت وكتبتـــك
اليـوم يشكـي حالتي حزن طــاروق
وحالـة عيـونِ مـن زمــن ما لمحتــك
أجلس مع العالم وأنا البال مسـروق
جتنـي طيوفك وسط ربعـي وشفتك
مخلوق ما مثلك على الأرض مخلوق
شفتْ الخصـال النـادره من عرفتـك
فقـدت فيك إحساسك الغير والـذوق
وماهـي بسيطــه يالغلا لو خسرتـك
أبنتظــر شمسـك مـع طلـة شــروقْ
صـابـر ولـو كـل الحيــاة إنتظـرتــك
كنت أفخر بـنفسي وصار الفخر فيك
أعـظـم فخـر ما دامنـي لك حبيبـه
لا قبـلك و بعـدك ولا أحـدن يســاويـك
وهيبتك فـي عيني ماهي بـ أي هيبه
كنت الأمـل لك والـطمــوح وأمــانيـك
قـرّبـنـي اللـه لـك وأثـرنــي قــريبـــه
وأنـا قبـل لا اعرفـك روحــي تناديـك
شفت الصُـدف وشلـون صارت غريبـه
بـ أشطب على شعرٍ مايوفـي معانيك
إنسـى قديمـي والجديـد إهتـنـي بـه
ويــش الليالـي .. دون لـذة لياليــك
لـو إنّهــا ليلـــه / بدونــك كئيبــــه
يـاجعلني ماابكيـك ماابكيك ماابكيك
تـرى الـحيـاه بْـدون وصـلك صعيبــه
تــدري ليـا ناديتنــي روح مـغليــك
مـاعـاد أشـوف أرضـي ولو هي رحيبه
أعشقـك ويـش العشــق لا مـايكفيــك
أمــوت لـك موتــة حبيب لـ حبيبـه
وحبـن قـدر يشبــك يديّـه فـ أياديـك
مـافيــه لا فرقــا .. ولا فيـه غيبـــــه


راقت لي

المصدر: منتديات تراتيل شاعر - من قسم: ديوآن آلقصيد ▪●

---

dajhr g; rgfd avhddk ,uv,r avhddk ,uv,r