********
رساااااله
********
**************
ياصاحبي جيتك اشكيلك من أحوالـي
جيت ومادامك رفيقـي ليـه أطوّلهـا
**************
العلم وما فيه يـا أول وآخـر أمالـي
عندي رساله ولا ادري كيف أوصلها
**************
للي سبتني وأنـا مـن قبلهـا سالـي
أبيك توقف معي .. وتروح وتسألهـا
**************
وش فيها تفتح علي أبـواب عذالـي
وتحمّل النفـس حاجـه مـا تحملهـا
**************
وش فيها رغم الوفا تتركنـي لحالـي
وأنا لجفاها تركـت الدنيـا بأكملهـا
**************
إن كان هذا زعل .. علمهـا يالغالـي
ما كان قصدي ورب البيـت ازعلهـا
**************
علمها واللـي يخلـي قلبـك الخالـي
عن ضيقتي وين وصلت من تجااااهلها
**************
علمها كم لي وأنـا ماشلـت جوالـي
كله علشـاااان مـا اقلـب رسايلهـا
**************
وعلمها وشلون لامرت علـى بالـي
أروح وأضـم صورتهـا واقبلـهـا
**************
وعلمها كيف انشغل عن كثرة أشغالي
واسرح واغمض عيونـي واتخيلهـا
**************
علمها عني وعـن همـي وغربالـي
علمها عن كل حاجـه فـي تجهلهـا
**************
وان شفتها دنقت تبكي علـى حالـي
انسى الكـلام وتذكـر كلمـه وقلهـا
**************
قل شاعرك يعتـذر ويعاهـدك تالـي
انـه يرتـب حساباتـه مـن أولهـا
**************
ويقول حتى القصيد اللي علـى بالـي
والله ماعـاد اكتبـه كانـه يزعلهـا
**************
***
>>> vshhhhhgi >>>!!
01-05-2015, 11:17 PM
عضويتي 
... رساااااله ...!!
العرض الشجري