قدام تلبس عباية

تمتص , عبادة , قيام

قدام تلبس عباية

عهدي بها قدّام تلبس عبايه
وأنا بعد قبل البس شماغ وعقال

طفلين نتهجّى حروف القرايه
الله ياماأجمل سواليف الاطفال

كانت لنا في كل شارع حكايه
وكنّا نقول علوم ماهيب تنقال

وكنت اتقاسم مامعاها معايه
من(عسكريم) التوت,للعلك ابوريال

وكانت بعكسي شاطره في القرايه
تقرأ جزء عمّ وطه والانفال

وانا لك الله من مواري غبايه
مدري ابو نقطه هو الذال أو الدال

وكانت لابويه تشتكي من شقايه
وتعلّمه كيف اربط الباب بحبال

ياما على ظهري كسر من عصايه
يقول لي:خلّك وأنا ابوك رجّال

وامي تقول:ادع لولدك الهدايه
خوفي تصيبه كثرة الضرب بهبال

لاشفتها مع اول الدرب جايه
مدري أنا اللي ملت ولاّ الوطا مال

احسّ قلبي يرتجف في حشايه
ماكنّه الاّ الضيف لاهزّ فنجال

تقول:خلّك يا محمد معايه
واسّتأنس العب عندها دور الابطال

وآغار حتّى من عيون اصدقايه
لاطالعوها قلت:تكفون ياعيال

.

المصدر: منتديات تراتيل شاعر - من قسم: ديوآن آلقصيد ▪●

---

r]hl jgfs ufhdm jljw ufh]m rdhl