أمنتك بالله ماذا حدث لك اليوم العصر؟!

أمنتك , ماذا , اليوم , العصر؟ , بالله , جدة

أمنتك بالله ماذا حدث لك اليوم العصر؟!

قصة حقيقية لشاب سأله والده
((أمنتك بالله ماذا حـدث لك اليوم العصر ))


المهم كنا 5 من الشباب وصلنا الصباح و نصبنا خيمتنا على شاطئ البحر وكالعادة ذبحنا الذبيحة ووو الخ
أنا بصراحة وأعوذ بالله كنت الوحيد بينهم ما أصلي نهائيا يعني وقتها كان عمري 21 ولا أركعها
مع أن أبوي إمام مسجد و كنت أطيعه في كل شي يقوله ويامربه ألا الصلاة وفي حياتي ماسمعتة يدعي على ماكان يقول غير الله يهديك ويصلح شأنك بس كان يقومني للصلاة أروح اخذ فره بالسياره وارجع بعد ما يخلصون
لأنه هو أول واحد يدخل المسجد وأخر واحد يطلع منه
عشان كذا مراح يفقدني
يعني كنت عاصي لدرجه مو طبيعيه,,,,المهم بعد ما تغدينا جهزوا الشباب عدتهم يبغون ينزلون البحر يروحون رحلة غوص
وطبعا كان لازم واحد يجلس في الخيمة جلست أنا لأني ماإلى هناك في الغوص
جلست لوحدي في الخيمة وكان جنبنا شباب أذن واحد منهم وطلعت برى شفتهم يتجهزون للصلاة قلت تجنبا للإحراج خلني انزل للبحر اخذ لي شوط سباحه,,المهم لبست ونزلت للبحر .. مشيت مشيت الين جيت في منطقه حلوه للسباحه موعميقه ولا قريبه
سبحت وسبحت وسبحت والمنطقة هذه معروفه بالأجراف
تعرفون الأجراف أكيد,, المهم تعبت شوي وقلت خلني أنام على ظهري وأهمل جسمي على أساس أريح شوي وارجع
سويت الحركة و جلست أطفو شوي وووفجأه حسيت أن واحد سحبني لتحت ونزلت تحت الماء
حاولت أوقف على ارض البحر وادف نفسي فوق على بالي أن المسافة مترين تقريبا
اثاريني وأنا أسبح بعدت ونزلت في جرف وأنا ما ادري وطبيت في منطقه عمقها 5 أمتار تقريبا
حاولت اطلع حاولت وحاولت مااقدرت حسيت كان فيه شخص فوقي وماسكني من راسي ويدفني لتحت احاول بكل الطرق اللي تعلمتها في النادي ماقدرت اطلع كنت في حاله ياشباب لا احسد عليها كنت متلخبط واخبص في الماء حسيت أني ولاشي,
حسيت وقتها أني اضعف من الذباب من منكم في يوم حس انه عاجز عن نفسه؟ بدأ النفس يضيع مني بديت احس بالدم يحتقن في راسي بالعربي بدأت احس بالموووووت,, بديت أتذكر أبوي وأمي وإخواني وأقاربي وأصحابي والحارة وكـــــل شخص مر علي بحياتي تذكرت كل شيء سويته وكلها في ثواني معدووده,, وبعدها تذكرت نفسي,,,!!!
بديت اسأل نفسي: صليت؟لا, صمت؟لا, حجيت؟لا, تصدقت؟لالالالالالالالالالالالا لا
أنت في طريقك لربك خلاص مفارق لدنياك مفارق لأصحابك كيف بتقابل ربك؟؟؟؟
وفجأة سمعت صوت أبوي وهو يناديني باسمي ويقول قوم صلي
تكرر الصوت بأذني ثلاث مرات بعدها سمعت صوته وهو يأذن
حسيت انه قريب بيجي يطلعني صرت أنادي عليه وأصيح
باسمه والماء يدخل في فمي
أصيح وأصيح مامن مجيب..
حسيت بملوحة الماء في أعماق جسمي وبدا النفس يتقطع,,
وحسيت انها سكرت الموت
أيقنت بالهلاك,,حاولت انطق بالشهادة.. نطقت أشهـ.. أشهـ..
ولا اقدر أكملها كأن فيه يد قابضه على حلقي تمنعني من نطقها حسيت أن روحي خلاص بتطلع,,
وتوقفت عن الحركه,,
وهذ آخر شي كنت أتذكره,,
صحيت في الخيمه وكان عندي عسكري من خفر السواحل والشباب اللي جنبنا,,
أول ما صحيت قالي العسكري حمد لله على السلامة ومشي
سالت اللي عندي قلت من هذا ومتى جاء وكيف.. قالوا ما ندري
جانا فجأه وطلعك ومثل ما تشوف مشي فجأه!!!!
سألتهم قلت شفتوني وانا في البحر قالوا مع أننا كنا على الشاطي لأكن قسم بالله ماشفناك
ما درينا عنك الايوم جاء العسكري وطلعك من البحر,,
مع العلم أن مركز خفر السواحل يبعد عن خيمتنا تقريبا حوالي 20 كيلو متر طريق بري
يعني يبيله تقريبا ثلث ساعة عشان يوصل لنا أذا جاه بلاغ....
وحادث الغرق صارت في دقائق معدودة واللي جنبنا وهم اقرب ناس مني وقتها يحلفون انهم ما شافوني كيف شافني العسكري وجاني؟؟؟وربي اللي خلقني ليومكم ذا ما اعرف كيف وصل لي..!!
ودق هاتفي مسكته ألا وهو أبوي بدت الأمور تتلخبط عندي بدا التشويش قبل شوي سمعت صوته والحين يتصل؟؟
رديت عليه كيفك وش أخبارك سألني قالي أنت بخير وكررها كذا مره طبعا ما ابي اعلمه عشان مايقلق بس كنت مصدوم سايست الأمور وقفلت..
قفلت وقمت صليت ركعتين في حياتي ماصليت مثلها
ركعتين جلست اصليهم في نص ساعة ركعتين صليتها من قلب صادق وبكيت فيهما الين انبح صوتي
في نفس اليوم يوم رجعوا الشباب ورجعت للبيت
اول مارجعت كان ابوي موجود
اول ما فتحت الباب الا وهو في وجهي قال تعال ابيك
جيت معاه قال امنتك بالله وش صار معاك اليوم العصر؟؟
تفاجأت واندهشت وتلعثمت ما قدرت اتكلم...
حسيت كأن عنده خبر!!
كرر السؤال مرتين...
المهم حكيت له ما حدث بالتفصيل
قالي والله اني سامعك تناديني وانا ساجد السجود الثاني في آخر ركعة وكانك في مصيبة
مابعدها مصيبة
انت تناديني بصياح واحس قلبي يبي يتقطع وانا اسمع صوتك وسجدت وحسيت بغصة فدعيت لك كعادتي بس هذه المره قلت ربي استودعك ولدي جسده وقلبه وايمانه فاحفظه ولاتريني فيه مكروه يبكيني فاختنقت وقتها وحظنته واجهشت بالبكاء وبست راسه وايدينه .


المصدر: منتديات تراتيل شاعر - من قسم: قصص - روآيات - حكايات ▪●

---

Hlkj; fhggi lh`h p]e g; hgd,l hguwv?! lh`h hgd,l hguwv? fhggi