الغرام انواع

الغرام , انواع

الغرام انواع

أه ياغـفوت الاسـحار ماقـبل الطلــوع
وأه ياشـي ذكـــــرت وعـلى بالي طـرى



العيون ليا ضـمت شوف تسقـيها الدموع
وان روت من دمعها العذب يظماها الكرى



والقلوب تـذوب بصـدور صلفين الطـبوع
والغلا يذكر على الما من البـدو اقصرى



والهـوى لاهـب فـي قـلب رجـال جــزوع
والله ان يصـبر بـرى الجـرح ولا مابرى



والحـياة افـراح وأهات والفرقا تلوع
والمـحـبة لاسـرتـنـي سـرى لـــيل سرى



لين اغـني للفـراشات فـي عيد الشموع
وتهـتـف لـي كــل شــمعة ورى ورى ورى



واذكـر انـي مانسيتك ويغريني الرجوع
ياغـرام تنشــد الـناس ويـــنه ياترى



والغـرام انواع والقلب مدهـل كل نوع
والله اعـلم منهو اللي من الحدب وورى



وانت ياللي منزلك ماورا حـدب الضلوع
تـدري انك مــن وراهــا وغـيرك مادرى



تمتلكني يا اطرق العود من عادك فروع
قـبل تغـريك المـديـنه ويطـغيك الثرى



يـوم عادك تـكـره السبت وتحب الربوع
والمـواجـه كان مسـمـوح والوصل اجهرى



جعـل تسـقي ذيك الأيام سجـدات وركـوع
رحـمـــة مـن رب طـيـبة ورب ام القرى



رحمة تغفر خـطا الفجر ما قبل الطلوع
يالزمـــان اللي ذكـرت وعلى بالي طرى



للشاعر // / ضيدان بن قضعان

المصدر: منتديات تراتيل شاعر - من قسم: ديوآن آلقصيد ▪●

---

hgyvhl hk,hu