يابشاير............

#1 12-15-2014, 01:04 AM

شفني ,
بـ اطراف المدينه ..
اشعل افواه السجاير !..

طفل يتسگع حنين ..
ويحتضن صمت المدينه !!..

شايل بيده رساله ..
تحتري صوت البشاير ..
بعد ماذاق الهوان وبعد ماذاق الغبينه ..!!

يرتشف جرح الغياب ,
وعينه تهل العباير ..

قلّب اوجاعه فراق ..
وهزت الذگرى حـنـيـنـه ..

فوق ارصفة الشوارع ,
يلمح بـ عينه ( بشاير )

يبتسم مرات لگن :
تجرحه ذگرى دفـيـنـه ..!!

يابشاير ,
من غيابگ ..
يسگن الحزن الضماير ..

يابشاير ,
ضاع بعدگ ..
طفل گنتي تحتوينه ..

إلعبت فيه المواجع ,
عاش وقته في خساير ..

ماحسب جور الزمان ..
وصارت افراحه حزينه !..

يابشاير ,
من رحلتي ..
صارت ذنوبه گباير ..
يلعن الوقت ورداه ويلعن البعد وسنينه ..

يسأل الليل ببرآءه :
( هو أنا وشلون صاير ؟ )

وليه أنا لـ أوجاع وقتي ..
صرت ياليلي رهينه ؟!!..

گان في قربگ بـ أمان ,
واصبح بـ غيبتگ ثاير !..
حالته صارت غريبه مو مثل ماتخبرينه !!..

يرسم الحلم بيديه ,
وينگسر والحلم باير !..
گان يحلم گل ليله ( في أمل انگ ) تجينه ..

الغياب أرهق شعوره ,
ظالم غيابگ وجاير ..
يگسر بعزم الهقاوي ( وگسرة الهقوه ) لعينه ..

يمسگ الغصن بيمينه ,
ويرسم قلوب ودواير ..

والثرى يحضن دموعه ..
قبل تمحيها يمينه !..

اختنق صدره بشاير ,
وفگ بيده الزراير !..

ياعسى الضيقه تفارق ..
صدر گانت له سجينه ..

يرتعش ,
شوق وحنين ..
وخافقه بالدم فاير !..
صاح من حر الفراق وهز هالشارع ونينه !..

وسااار ,
بـ اطراف المدينه ..
يشعل افواه السجاير ..

طفل ضايع بالمدينه ..
گان يبحث عن مدينه !!..

,,

المصدر: منتديات تراتيل شاعر - من قسم: ديوآن آلقصيد ▪●

dhfahdv>>>>>>>>>>>> dhfahdv

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
الانتقال إلى العرض العادي الانتقال إلى العرض المتطور العرض الشجري