سويت قرعه بين وصلك وفرقاك

زوجت , وصلك , وفرقاك , قرعه

سويت قرعه بين وصلك وفرقاك

ممداك تنساني ولمداني انساك
ماغبت عنك الاثلاثة ليالي
ان قلتلي يمديك والله ممداك
مسرعك تجفاني وتبعد مجالي
ثلاث مرني بذكرك وطرياك
وحطن طيوفك بين فكري وبالي
وقامت تسوق الشوق منا ومناك
ومن سبتك واللي جراله جرالي
اتلا العهد بك يوم صافحت يمناك
وحلفتني لاقطع حبال الوصالي
وانا على حلفك وعرفك ومعناك
واثرك على ماقيل يالهملالي
رحت اتخيل نور طللًت محياك
ورسم وابروز صورتك في خيالي
سلبتني عقلي وانا وافي ادراك
وتقول مالي راس ياراس مالي
تبت ايدين الشك جابك وواداك
وخلاك تتركني وحيد(ن)لحالي
مازان فالك لين شانت نواياك
وان قمت ازيًن نيتي شان فالي
مدري غشاك الكبر يومني اهواك
ولا مرافق لك حبيب(ن)بدالي
اللي على لساني وصلك وتعداك
واللي بصدري كلمة(ن)ماتقالي
ازايم اللوعات وقول تفداك
ياكثر ماشالت قلوب الرجالي
الله يساعدني على طي ذكراك
يلي تراودني على ماطرالي
وسويت قرعه بين وصلك وفرقاك
ورست على فرقاك ولانت غالي

مما راق لي

المصدر: منتديات تراتيل شاعر - من قسم: ديوآن آلقصيد ▪●

---

s,dj rvui fdk ,wg; ,tvrh; .,[j ,wg; ,tvrh; rvui